Fact Check: घरगुती उपचारांमुळे कोरोना बरा होतो? सत्य आलं समोर

काही वेळा घरगुती उपायदेखील ठरु शकतात घातक
Fact Check: घरगुती उपचारांमुळे कोरोना बरा होतो? सत्य आलं समोर

दीड वर्षापूर्वी देशात शिरकाव केलेल्या कोरोना विषाणूची (Coronavirus) दुसरी लाट आता हळूहळू ओसरत आहे. मात्र, या विषाणूचा प्रादुर्भाव जरी कमी झाला असला तरी हे संकट पूर्णपणे टळलेलं नाही. त्यामुळेच प्रशासन लसीकरणावर मोठ्या प्रमाणावर भर देत आहे. सोबतच नागरिकांना स्वत:ची व कुटुंबाची काळजी घेण्याचा सल्ला देत आहे. त्यातच सोशल मीडियावर कोरोना बरा करण्याचे अनेक घरगुती उपाय व्हायरल होत आहेत. विशेष म्हणजे अनेक जण डॉक्टरांच्या सल्ल्याशिवाय थेट हे उपाय करत आहेत. मात्र, प्रत्येकवेळी करण्यात येणारा घरगुती उपाय फायदेशीर ठरेलच असं नाही. त्यामुळेच पीआयबी फॅक्ट चेकने (PIB Fact Check) व्हायरल होणाऱ्या या दाव्यांमागील सत्य समोर आणलं आहे. (fact-check-can-home-remedies-cure-covid-19-many-of-the-viral-solutions-turned-out-to-be-false)

चहा प्यायल्यामुळे कोरोनाचा संसर्ग रोखता येऊ शकतो असा दावा सोशल मीडियावर करण्यात आला आहे. परंतु, पीआयबीने यामागील सत्य समोर आणलं आहे. व्हायरल होत असलेला दावा पूर्णत: खोटा आहे. चहा प्यायल्याने कोविडचा संसर्ग कमी होईल असे कोणतेही शास्त्रीय पुरावे नाहीत.

तसंच विड्याच्या पानामुळेही कोरोना होत नाही असं सांगण्यात येत आहे. मात्र, हा दावादेखील पीआयबीने फेटाळून लावला आहे. विड्याच्या पानामुळे कोरोना बरा होईल यासाठीदेखील कोणताही वैज्ञानिक आधार नाही, हे पीआयबीने स्पष्ट केलं आहे.

पीआयबीने ट्विटरवर एक व्हिडीओ शेअर करत घरगुती उपायांविषयी करण्यात आलेले दावे खोटे असल्याचं स्पष्ट केलं आहे. तसंच, "कोरोनावर कोणतेही उपचार करण्यापूर्वी डॉक्टरांचा सल्ला घेणं गरजेचं आहे. तसंच बऱ्याचदा घरगुती उपाय फायदेशीर ठरण्याऐवजी घातकही ठरु शकतात", असं त्यांनी पोस्टमध्ये म्हटलं आहे.दरम्यान, मध्यंतरी सोशल मीडियावर कोरोनावरील अनेक घरगुती उपाय व्हायरल झाले होते. विशेष म्हणजे अनेक जण या व्हायरल मेसेजची सत्यता न पडताळाता केवळ घरगुती उपाय म्हणून हे उपचार करत होते.

Fact Check: घरगुती उपचारांमुळे कोरोना बरा होतो? सत्य आलं समोर
भगवान शंकराचं आक्षेपार्ह GIF; इन्स्टाग्राम विरोधात FIR दाखल
Fact Check: घरगुती उपचारांमुळे कोरोना बरा होतो? सत्य आलं समोर
Fact Check : कोंबडीमुळे म्युकोरमायकोसिसचा प्रसार?

दरम्यान, मध्यंतरी सोशल मीडियावर कोरोनावरील अनेक घरगुती उपाय व्हायरल झाले होते. विशेष म्हणजे अनेक जण या व्हायरल मेसेजची सत्यता न पडताळाता केवळ घरगुती उपाय म्हणून हे उपचार करत होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com