काय सांगता! सतत गोड खाल्ल्याने मेंदूवर होतो परिणाम? या आहेत वाईट सवयी..

नागपूर: आपला मेंदू  म्हणजे आपल्या शरीरातील अत्यंत संवेदनशील आणि महत्वाचा भाग. आपल्या संपूर्ण शरीराला देण्याचे काम आणि आपल्या विचारांवर नियंत्रण ठेवण्याचे काम आपला मेंदू करत असतो. त्यामुळे आपल्या शरीरातील इतर अवयांसोबतच आपल्या मेंदूची काळजी घेणेही महत्वाचे आहे. मात्र आपल्या काही वाईट सवयींमुळे आपल्याला मेंदूचे विकार होतात. या वाईट सवयी कोणत्या आहेत हे आम्ही तुम्हाला सांगणार आहोत.

क्लिक करा - युवती ब्युटीपार्लरमध्ये चेहऱ्याच्या मसाजसाठी जायची; महिला नेहमी कशाचे तरी पाणी पिण्यासाठी देत पैशांसाठी करायची ब्लॅकमेल, वाचा...

कोणत्या आहेत या सवयी :

धूम्रपान 

धूम्रपान करणे तुमच्या शरीरासोबतच मेंदूसाठीही  धोकादायक आहे. यामुळे मेंदू कमजोर होतो.. एका विद्यापीठात झालेल्या अभ्यासानुसार धूम्रपानामुळे कॉर्टेक्सवर परिणाम होतो. ज्यामुळे स्मरणशक्ती आणि भाषा कौशल्य धोक्यात येते. 

पाण्याची कमतरता  

निरोगी राहण्यासाठी भरपूर पाणी प्यावे असे  सांगण्यात येते. पाणी पिणार्‍या लोकांचा मेंदू पाणी न पिणार्‍यांपेक्षा तब्बल 14 टक्क्यांहून अधिक चांगले काम करतो. 

ताण

ताण आल्यामुळे आपल्या मेंदूवरही वाईट परिणाम होतात. ज्यामुळे आपला मेंदू नीट काम करू शकत नाही. त्यामुळे तणाव येणे टाळले पाहिजे. ताणात असल्यास मूत्रपिंड कॉर्टिसॉलची निर्मिती करते. मात्र कॉर्टिसॉलची जास्त प्रमाणातील निर्मिती ही मेंदूच्या पेशींवर वाईट परिणाम करते.

इअरफोन

मोबाइलवर इअरफोन लावून गाणी ऐकण्याची सवय  प्रत्येकाला आहे. मात्र याचा वाईट परिणाम आपल्या मेंदूवर होऊ शकतो. गाणी हळू आवाजात ऐकायला हवीत.  जास्त आवाजात ऐकल्यास कान खराब होतात आणि मेंदूच्या पेशींचे अत्यंत नुकसान होते. 

झोप 

प्रत्येकाने रोज रात्री कमीत कमीत 7 ते 8 तास झोप घेणे आवश्यक असते. त्यामुळे मेंदू योग्य प्रकारे काम करण्यास मदत होते. मात्र व्यक्तीला पुरेशी झोप मिळाली नाही तर चिडचिड होते राग येतो परिणामी मेंदूचे कार्य बिघडते. 

सविस्तर वाचा - आईने विरोध केल्याने ती झाली प्रियकरापासून दूर, त्याने लग्न करताच घर गाठत म्हणाली बायकोला हाकलून दे...

आळस 

प्रचंड आळस केल्यामुळे आपल्या मेंदूवर वाईट परिणाम होऊ शकतो. यामुळे तुमची स्मरणशक्ति चांगली राहत नाही आणि तुमचं मेंदू उत्साही राहत नाही. कालांतराने मेंदू काम करत नाही. 

गोडाचे अतिप्रमाण 

आपल्या जेवणात नेहमी गोड पदार्थ हवाच अशी मागणी अनेक जणांची असते. मात्र आजच जास्त गोड पदार्थ खने कमी करा. करण यामुळे तुमच्या मेंदूची विचार करण्याची क्षमता कमी होऊ शकते. रूमची स्मरणशक्तीही कमी होऊ शकते.