Heart Attack : ३ वर्ष आधीच समजेल हृदयविकाराचा धोका, वैज्ञानिकांचा दावा

हृदय रोगाच्या समस्या आता ज्येष्ठांप्रमाणे तरूणांनाही भेडसावू लागल्या आहेत. हृदयविकाराच्या (Heart Attack) झटक्याची वाढती प्रकरणे बघता हे दिसून येत आहे. पण, तुम्हाला हृदयविकाराचा धोका आधीच कळला तर? शास्त्रज्ञांनी त्यांच्या नवीन संशोधनात (Study) हृदयविकाराचा धोका 3 वर्षे आधीच कळेल, असा दावा केला आहे. त्यामुळे होणारे मृत्यूही टाळता येणार आहेत.

वैज्ञानिकांनी लावलेल्या या शोधामुळे योग्य लक्ष दिल्यास तसेच दाहक-विरोधी औषधांद्वारे लाखो जीव वाचवले जाऊ शकतात. पण, शास्त्रज्ञांनी या आधी हृदयविकाराचा झटका आलेल्या रुग्णांच्या सी-रिअॅक्टिव्ह प्रोटीनची तपासणी केली. हे प्रथिन रोग वाढण्याच्या जोखमीविषयी माहिती देते. त्यांनी ट्रोपोनिन नावाच्या प्रथिनाची प्रमाणित चाचणी केली. हृदयाला इजा होत असताना हे प्रथिन रक्तातून बाहेर पडते.

अहवालानुसार, ब्रिटनच्या नॅशनल हेल्थ सिस्टीमच्या सुमारे 2.5 लाख रुग्णांची CRP पातळी वाढली होती. त्यांची ट्रोपोनिन चाचणी पॉझिटिव्ह आली. तीन वर्षांत त्यांच्या मृत्यूची शक्यता सुमारे ३५ टक्के होती. लंडनच्या इम्पिरियल कॉलेजचे डॉ रामजी खमीज यांनी यासंदर्भात माहिती दिली आहे. ब्रिटिश हार्ट फाउंडेशनचे प्रोफेसर जेम्स लीपर, यांनी या अभ्यासाला निधी दिला आहे. ते म्हणाले, 'डॉक्टरांच्या वैद्यकीय किटसाठी हे एक उपयुक्त साधन आहे. तसेच, एका अभ्यासात जर एखादी व्यक्ती दिवसातून सुमारे चार तास अॅक्टिव्ह राहिली तर हृदयविकाराचा धोका ४३ टक्क्यांनी कमी होतो, असेही दिसून आले आहे.