पाण्याला जीवन म्हणण्यात आलं आहे. जगण्यासाठी पाणी आवश्यक आहे. अनेकदा आपल्याला अधिक प्रमाणात पाणी पिण्याचा सल्ला दिला जातो. पण प्रमाणापेक्षा अधिक पाणी पिणे शरिरासाठी धोकादायक ठरु शकते.
पाणी कमी पिल्याने जसा डी-हायड्रेशनचा धोका वाढतो, तसेच शरिरातील पाण्याचे प्रमाण वाढले तर ओवर-हायड्रेशनचा त्रास जाणवू शकतो. त्यामुळे जसे कमी पाणी पिणे धोकादायक असते, तसे अधिक प्रमाणात पाणी पिणेही धोकादायक असते.
- शरिरात अधिक प्रमाणात पाणी घेण्यात आले आणि जर ते बाहेर काढण्याचे तंत्र बंद असेल, तर शरिरात पाणी साठू शकते. साठलेले पाणी रक्तातील अनेक घटक पातळ करते. त्यामुळे शरिराला हानी होऊ शकते.
- किडनी शरिरातील सर्व पाणी बाहेर टाकण्यास सक्षम नसते. त्यामुळे शरिरातील इलेक्ट्रोलाईटचा ताळमेळ बिघडू लागतो आणि अधिकचे पाणी शरिरात साठू लागते. परिणामी शरिराचे वजन वाढत जाते.
- शरिरात जास्त प्रमाणात घेतलेले पाणी रक्तदाबात गतीने मिसळू शकते. त्यामुळे रक्तातील तरल पदार्थ पातळ होण्याचा धोका संभवतो.
-पाण्याच्या पातळीत होणाऱ्या वाढीमुळे शरिरातील कोशीका सुकू लागतात. त्यामुळे शरिरावर सुज येऊन अनेक शारीरिक समस्या निर्माण होतात. तसेच जीव जाण्याचाही धोका संभवतो.
-जास्तीचे सोडीयम आणि कमी प्रमाणात पोटॅशियमच्या सेवनामुळे जास्त तहान लागते. जास्त प्रमाणात मिठ खात असल्यास शरीर जास्तीच्या पाण्याची मागणी करते. जास्त मिठ खाल्याने शरिरातील सेल्समधून मोठ्या प्रमाणात पाणी बाहेर पडत असते.
- जास्त पाणी पिल्याने ओवर-हायड्रेशन होते. यामुळे उलटी होणे, डोकेदुखी, मानसिक स्थिती बिघडणे उदा. भ्रम किंवा विचलन अशा समस्या निर्माण होऊ शकतात. ओवर-हायड्रेशनचा थेट परिणाम आपल्या किडणीवर होतो, किडणी पाणी फिल्टर करत असते. जास्त पाणी पिल्याने किडणीवर जास्तीचा भार पडतो. त्यामुळे किडणी फेल होण्याचा धोका संभवतो.
- निरोगी शरिरासाठी दिवसातून अडीच ते तीन लिटर पाणी पुरेसे आहे. यात तुम्ही चहा, कॉफी आणि ज्यूस अशा गोष्टींचा समावेश करु शकता. शारीरिक काम करणाऱ्यांसाठी अधिक प्रमाणात द्रव शरिरात घ्यावे लागते.
- दिवसातून 10 ते 12 ग्लास पाणी पिणे आदर्श मानलं जातं. व्यक्तीची उंची, वजन, व्यायामाची पद्धत यावरुन पाण्याच्या प्रमाणात वाढ होऊ शकते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.