स्थूलता आणि फुफ्फुसांचे आजार

डॉ. ऋतुपर्ण शिंदे

आपण फुफ्फुसांच्या आरोग्याबद्दल तेव्हाच विचार करतो, जेव्हा श्वास घ्यायला त्रास होतो. मात्र, फुफ्फुसांवर दडपण निर्माण करणारा एक मोठा आणि सतत वाढणारा घटक म्हणजे स्थूलता. लठ्ठपणामुळे छाती व पोटाभोवती साचणारी चरबी फुफ्फुसांच्या हालचालींवर मर्यादा आणते. परिणामी, शरीरात ऑक्सिजनचा पुरवठा कमी होतो आणि वेळेनुसार अनेक श्वसनसंबंधी विकार निर्माण होतात.