पीरियड्सच्या दरम्यान डोळ्यातून येताहेत रक्ताचे अश्रू; काय आहे हा दुर्मिळ आजार?

चंदीगढ : महिलांना महिन्याकाठी मासिक पाळी येते. वयात आल्यानंतर सुरु झालेली मासिक पाळी वयाच्या साधारण पन्नाशीरपर्यंत राहते. दर महिन्याला येणाऱ्या या मासिक पाळीच्या चार ते सात दिवसांच्या काळात महिलांमध्ये अनेक हार्मोनल चेंजेस होताना पहायला मिळतात. महिलांना पीरियड्सच्या दरम्यान तीव्र पोटदुखी, कंबरदुखी, अंगदुखी आणि मंद भूक यांसारखे त्रास सोसावे लागतात. मात्र, तुम्ही कधी ऐकलंय का की पीरियड्सच्या दरम्यान एखाद्या महिलेच्या डोळ्यातून देखील रक्त येऊ शकतं? तुम्ही म्हणाल, असं कसं होऊ शकेल? हे काही शक्य नाहीये. मात्र, असं घडू शकतं. चंदीगढमधील एका महिलोसबत असा काहीसा प्रकार घडला होता. मात्र आता ती सुस्थितीत आहे. 

हेही वाचा - बबल बाथमुळे शरीराला मिळतील पाच फायदे

पीरियड्सच्या दरम्यान डोळ्यातून रक्त येण्याचे प्रकरण हे दुर्मिळ असून चंदीगढमध्ये जवळपास 5 वर्षांपूर्वी आढळलं होतं. पीरियड्सच्या दरम्यान डोळ्यातून रक्ताचे अश्रु येण्यासंबंधीचं प्रकरण ब्रिटीश मेडिकल जर्नलमध्ये प्रकाशित झालं आहे. याला हेमोलेक्रिया ब्लडी टीअर्स नावाने देखील ओळखलं जातं. हा एक फारच दुर्मिळ आजार आहे. डॉक्टरांच्या सांगण्यानुसार, ही महिला जेंव्हा त्यांच्या जवळ आली तेंव्हा आधी तीला नाकातून रक्त येण्याची तक्रार होती मात्र नंतर तिच्या डोळ्यातून देखील रक्त येऊ लागलं. 

हेही वाचा - मूठभर दुर्वा पळवून लावेल मायग्रेन
हा अत्यंत दुर्मिळ परिस्थितीमधील 'ऑक्यूलर विकेरियस मेन्स्ट्रुएशन' (Ocular vicarious menstruation) आहे. महिलेच्या अनेक टेस्ट केल्यानंतर तपासात समजलं की हा आजार 'ऑक्यूलर विकेरियस मेन्स्ट्रुएशन' आहे. ज्यामुळे पीरियड्सच्या दरम्यान इतर अवयवांमधून देखील रक्तस्त्राव होऊ लागतो. ब्रिटीश मेडिकल जर्नलमध्ये छापून आलेल्या या स्टडी केसनुसार, या महिलेवर 3 महिने हार्मोनल ट्रिटमेंट केल्यानंतर ती बरी झाली.