हिवाळ्यातच तुमच्या मुलांचे लसीकरण करणे का गरजेचे? | Sakal
sakal

बोलून बातमी शोधा

Vaccine
हिवाळ्यात तुमच्या मुलांचे लसीकरण करणे का गरजेचे? जाणून घ्या

हिवाळ्यात तुमच्या मुलांचे लसीकरण करणे का गरजेचे? जाणून घ्या

पालकांनो, हिवाळ्यामध्ये तुमची मुलं ताप,कफ, थंडी आणि इतर संक्रमणास बळी पडू शकतात. त्यामुळे तुमच्या मुलांचे थंडीपासून संरक्षण करणे गरजेचे आहे आणि त्यांच्या लसीकरणाला प्राधान्य दिले पाहिजे. असे न केल्यास तुमच्या मुलांच्या आरोग्यावर परिणाम होऊ शकतो. लवकरात लवकर तुमच्या फॅमिली डॉक्टरलाच्या भेटा आणि तुमच्या मुलांच्या लसीकरणाबाबत जागृत राहा. कारण प्रश्न तुमच्या मुलांच्या आरोग्याचा आहे, त्याकडे दुर्लक्ष करून चालणार आहे. हिवाळ्यात तुमचे मुलं आनंदी आणि निरोगी राहील याची काळजी घेण्यासाठी आणखी वाचा....

हेही वाचा: Weight loss: व्यायाम न करता वजन कमी करायचयं? कसे ते वाचा

सध्या हिवाळा ऋतू सुरू आहे. आपल्यापैकी अनेकजण या ऋतूची आतूरतेने वाट पाहत आहेत. हा सर्वात आनंददायी ऋतूंपैकी एक आहे, परंतु जेव्हा तुमच्या मुलांचा प्रश्न येतो तेव्हा तो गंभीर आरोग्य समस्यांना देखील आमंत्रण देऊ शकतो. इन्फ्लूएंझामुळे लहान मुलं आजारी पडण्याची शक्यता जास्त असते. इन्फ्लूएन्झाला फ्लू असे देखील म्हणतात, हा नाक, घसा आणि फुफ्फुसाचा संसर्ग आहे जो, एका व्यक्तीकडून दुसऱ्या व्यक्तीमध्ये सहज पसरू शकतो. ताप, डोकेदुखी, खोकला, घसा खवखवणे, वाहणारे नाक आणि स्नायू दुखणे ही इन्फ्लूएंझाची लक्षणे आहेत. काही मुलांना पोटाचा त्रास आणि जुलाब देखील होऊ शकतात.

Vaccine

Vaccine

म्हणून, प्रत्येक हिवाळ्यात सहा महिने आणि त्याहून अधिक वयाच्या सर्व मुलांना इन्फ्लूएंझा प्रतिबंध लस घेण्याची शिफारस केली जाते. लहान मुले, गर्भवती महिला, वृद्ध आणि दीर्घकालीन आरोग्य समस्या असलेले लोक इन्फ्लूएंझामुळे खूप आजारी पडू शकतात. म्हणून, वार्षिक इन्फ्लूएंझा लस या गंभीर आजारापासून आपल्या मुलाचे संरक्षण करण्याचा सर्वोत्तम मार्ग आहे. सहा महिन्यांपेक्षा जास्त वयाच्या प्रत्येकाला दरवर्षी फ्लू प्रतिबंधक लस घेण्याची शिफारस केली जाते. लहान मुलांच्या बाबतीत, त्यांच्या पालकांनी हे सुनिश्चित केले पाहिजे की, मुलाचे लसीकरण वेळापत्रक कोणत्याही परिस्थिमध्ये चुकणार नाही. मुलांना वेळच्या वेळी लस मिळेल.

हेही वाचा: बर्फाच्या तुफान वर्षावातही ऑन ड्युटी 24 तास; आर्मी मॅनचा व्हिडिओ व्हायरल

फ्लू प्रतिबंधक लसीकरणाचे वेळापत्रक कसे तयार करायचे? ते जाणून घ्या

फ्लू प्रतिबंधक लसीचा पहिला डोस मुलांच्या जन्माच्या सहा महिन्यांनंतर दिला जाऊ शकतो, कारण सहा महिन्यांपर्यंत मुलांमध्ये स्वतःचे संरक्षण करण्यासाठी त्यांच्या आईकडून मिळालेली रोगप्रतिकारशक्ती असते. म्हणून, एकदा मुलं सहा महिन्यांचे झाले की, मुलं पाच वर्षांचे होईपर्यंत त्यांना दरवर्षी त्यांच्या मुलाला फ्लू प्रतिबंधक लसीकरणचा डोस मिळेल याची पालकांनी काळजी घेणे आवश्यक आहे. सहा वर्षांवरील मुलांना दमा, रोगप्रतिकारकशक्ती किंवा हृदयाच्या समस्यांसारख्या काही गंभीर परिस्थिती असल्यास त्यांना फ्यू प्रतिबंधक लसीचा डोस मिळू शकतो. त्यानुसार डॉक्टरांशी बोला आणि लसीकरणाचे वेळापत्रक सेट करा. ही लस शॉटद्वारे दिली जाते, म्हणजे सुईच्या मदतीने जी लस मुलाच्या शरीरात, हातातून टोचली जाते. फ्लूच्या प्रतिबंधक लसी एखाद्याला अँटीबॉडीज विकसित करण्यास आणि इन्फ्लूएंझाशी लढण्यास मदत करू शकतात.

Vaccine

Vaccine

मुलांसाठी हिवाळ्यात निरोगी राहण्यासाठी आणि फ्लूपासून बचाव करण्यासाठी टिपा

मुलाला दरवर्षी इन्फ्लूएंझा प्रतिबंधक लस मिळणे अत्यावश्यक आहे. तुमच्या मुलाला वारंवार हात धुण्यास आणि खोकताना आणि शिंकताना तोंड झाकण्यासाठी प्रोत्साहित करा. शक्य असल्यास त्यांना मास्क लावा. तुमचे लहान मूल, आजारी लोकांपासून दूर राहील यांची याची खात्री करा. फर्निचर, दरवाजाचे हँडल, नळ आणि स्वयंपाकघरातील काउंटरटॉप यांसारख्या दूषित पृष्ठभागांना स्पर्श करणे टाळा. तसेच, मुलांनी त्यांच्या तोंडाला, चेहऱ्याला, नाकाला स्पर्श करणे टाळावे याची काळजी घ्या. तुमच्या मुलाने संतुलित आहार घ्यावा जो रोग प्रतिकारशक्ती सुधारण्यास मदत करेल. या सर्व खात्रीशीर युक्त्या तुमच्या मुलाला त्या थंडीच्या महिन्यांत निरोगी राहण्यास मदत करतील

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top