Depression Effects : नैराश्यातून जाणाऱ्या तरुणांना हृदयविकाराचा धोका, तज्ज्ञ सांगतात...

Depression Effects : नैराश्याच्या समस्येशी झुंजणाऱ्या तरुणांना हृदयविकाराचा धोका अधिक असू शकतो. एका नव्या अभ्यासात ही बाब समोर आली आहे. या अभ्यासात असा दावा करण्यात आला आहे की, नैराश्याने ग्रासलेल्या तरुणांचे हृदयाचे आरोग्य बिघडू शकते. अभ्यासानुसार, नैराश्याने ग्रस्त किंवा असंतुलित मानसिक आरोग्य असलेल्या तरुणांना हृदयविकाराचा झटका, स्ट्रोक आणि हृदयाशी संबंधित इतर आजारांचा धोका जास्त असतो.

जॉन्स हॉपकिन्स मेडिसिनच्या संशोधकांनी त्यांच्या अभ्यासात 18 ते 49 वयोगटातील 5 लाखांहून अधिक लोकांच्या डेटाचे विश्लेषण केले आहे. हा अभ्यास 'जर्नल ऑफ द अमेरिकन हार्ट असोसिएशन'मध्ये प्रकाशित झाला आहे. तरुण आणि मध्यम वयाच्या लोकांमध्ये हृदयविकार आणि नैराश्य यांचा संबंध असल्याचे असल्याचे दिसून येते.

नैराश्य आणि हृदयविकाराचा काय संबंध आहे?

पीटीआयच्या रिपोर्टनुसार, अभ्यासात असे म्हटले आहे की जेव्हा तुम्ही तणावाखाली असता किंवा चिंता आणि नैराश्याने ग्रासलेले असता तेव्हा तुमच्या आत अनेक भावना निर्माण होतात, ज्यामुळे तुमच्या हृदयाची गती आणि रक्तदाब वाढतो. या अभ्यासाच्या लेखिका गरिमा शर्मा यांनी सांगितले की, हे सामान्य आहे की निराश वाटल्यामुळे, आपण धूम्रपान, दारू पिणे, कमी झोपणे आणि शारीरिकदृष्ट्या निष्क्रिय राहणे यासारख्या वाईट सवयींच्या आहारी जाऊ शकतो. या सर्व सवयी तुमच्या हृदयावर वाईट परिणाम करत असते. (Lifestyle)

नैराश्यास कोणते घटक प्रभावित करतात?

अभ्यासानुसार, उच्च रक्तदाब, उच्च कोलेस्टेरॉल, जास्त वजन किंवा लठ्ठपणा, धूम्रपान, मधुमेह, खराब जीवनशैली आणि डाएट यामुळे हृदयविकाराचा धोका वाढतो. हे सर्व घटक एकप्रकारे तुमच्या हृदयाच्या आरोग्यावर परिणाम करतात.