Summer Health Care : उन्हाळ्यात रोज एक चमचा गुलकंद खा अन् निरोगी राहा, लगेच नोट करा रेसिपी

Summer Health Care : तज्ज्ञ उन्हाळ्यात रोज एक चमचा गुलकंद खाण्याचा सल्ला देतात. कारण गुलाबाच्या पाकळ्या आणि साखरेपासून बनणाऱ्या गुंलकंदाचे अनेक आरोग्यदायी फायदे आहेत. तेव्हा हे आरोग्यदायी गुलकंद घरच्या घरी कसे बनवायचे आणि त्याचे फायदे काय आहेत ते आपण जाणून घेऊया.

उन्हाळ्यात उष्णतेमुळे जास्तीत जास्त थंड पदार्थ खाण्याचा सल्ला दिला जातो. उन्हाळ्यात थंड पदार्थांचे सेवन केल्याने तुमची डायजेस्टिव्ह सिस्टिम सुधारते. गुलकंदसुद्धा फार थंड आहे. बरेच लोक याला पानात मुखवास म्हणून सुद्धा खातात. गुलकंद बनवणे फार सोपे आहे. तुम्ही खरीसुद्धा अगदी सहज बनवू शकता. तेव्हा उन्हाळ्यात गुलकंद बनवण्याचे फायदे जाणून घेऊया.

असे बनवा गुलकंद

गुलकंद बनवण्यासाठी तुम्हाला गुलाबाच्या ताज्या पाकळ्या घ्याव्या लागेल. यासाठी तुम्ही गावरान गुलाबाच्या पाकळ्या घेतल्या तर फारच छान. या गुलाबाच्या पाकळ्या नीट स्वच्छ धुवून घ्या. आता सम प्रमाणात साखर आणि खडी साखर घ्या. आता साखर आणि पाकळ्या एक बरणीत भरा. बरणी ही काचेची घ्या जेणेकरून ती उन्हात ठेवल्यानंतर गुलकंद व्यवस्थिक राहील. ही बरणी १२-१५ दिवसांसाठी उन्हात ठेवा. गुलाबाच्या पाकळ्यांची एक लेयर टाकल्यानंतर त्यावर साखरेची लेयर टाकावी. तुम्ही यात चवीसाठी विलायची देखील टाकू शकता.

उन्हाळ्यात गुलकंद का खावे?

गुलकंद खाल्ल्याने थकवा, वेदना, स्नायूचे दुखणे, पोटातील उष्णता यांसारख्या आरोग्याच्या समस्या दूर होतात. बऱ्याच लोकांना तळहात आणि तळपायात जळजळ होते. अशावेळी त्यांनी रोज गुलकंद खावे. तुम्ही गुलकंद नुसतेच किंवा शरबत किंवा लस्सीमधे टाकूनही खाऊ शकता. (Summer)

गुलकंद खाण्याचे फायदे

तोंडावरील अल्सरसाठी गुलकंद फायद्याचे. कारण शरीरातील अतिउष्णतेमुळे तोंडामधे अल्सर येतात.

यात मोठ्या प्रमाणात लोह असते. महिलांना मासिक पाळीच्या वेळी ओटी पोटात दुखत असेल तर अशा वेळी त्यांनी गुलकंद खावे आराम मिळेल.

यात भरपूर प्रमाणात अँटिऑक्लि़डंट्स असल्याने बॉडी डिटॉक्स होते.

उन्हाळ्यात नाकातून रक्तप्रवाह झाल्यास गुलकंद खावे.

उन्हाळ्यात घामाचा घाणेरदा वास येणाऱ्यांनीही गुलकंद खावे. (Health)