Health Alert : कपाळावर ही लक्षणे दिसताच लगेच डॉक्टरांशी संपर्क साधा, नाहीतर..

Health Alert : शरीरात होणाऱ्या बदलावरून आपल्याला कोणता आजार होणार हे लक्षात येते. पण या आजारांचे मूळ हे शरिराच्या आत दडलेले असते. आपल्या पोटात दुखत असेल तर आत गडबड असल्याचे कळते. खोकला आला तर गळ्यात इन्फेक्शन आहे, असे समजतो. त्याचप्रमाणे चेहऱ्यांवरील बदलांमुळे आपल्या शरीराच्या आत काय सुरू आहे हे कळते. कपाळावर जर पिंपल्स, डाग, चट्टे, ब्लॅकहेड्स दिसल्यास शरीरात हार्मोनचा असमतोल झाला असल्याचे समजावे.

नेमके काय होते ?

चेहऱ्यावर पींपल्स, डाग दिसणे, त्वचा अचानक काळवंडणे, बारिक दाणे दिसणे, त्वचा तेलकट होणे, त्वचेवर सुरकुत्या पडणे अशी लक्षणे दिसली की, शरीराच्या कोणत्यातरी अवयवात गडबड असते. या संकेतावरून किडनी, फुप्फुस, शरीरातील टॉक्सिक, मेंदूचे विकार, आतड्याचे विकार, शरिरातील साखरेचे प्रमाण, कोलेस्ट्रॉल, युरिक अॅसिड वाढणे आदी समस्यांची माहिती मिळते, असे तज्ज्ञ सांगतात.

कपाळावर दिसणारी लक्षणे

कपाळाच्या वरील भागावर अधिक प्रमाणात पींपल्स आले तर किडनीची समस्या असू शकते.

कपाळ लाल होत असेल तर अधिक प्रमाणात दारू तसेच चहा, कॉफी, पिणे होत असल्याचे हे लक्षण आहे.

कपाळावर पांढरे डाग येत असतील तर दुध तसेच दुग्धजन्य पदार्थांचे सेवन अधिक प्रमाणात केल्याचे संकेत मिळतात. (Lifestyle)

कपाळाच्या मधला भाग लाल होत असल्यास जास्त गोड खाल्ल्यामुळे किंवा मनावर तणाव असल्याचे लक्षण आहे.

अपुऱ्या झोपेमुळेही कपाळाच्या खालच्या भागावर पींपल्स येतात. याशिवाय ताण, रक्ताभिसरणाची समस्या जाणवते. केसांत जास्त केमिकल्स किंवा तेलाचा जास्त वापर केल्यास कपाळावर पुरळ येतात. आयुर्वेदात यावर बऱ्यापैकी उपचार आहेत.

-डॉ. राहुल राऊत,

आयुर्वेद तज्ज्ञ, नागपूर.