हिवाळ्यात खजुर खा ; हाडे मजबूत होण्याबरोबर हे 7 आजार होतील दूर

हिवाळा सुरू झाला की स्किन कोरडी पडण्यास सुरुवात होते. याशिवाय केस गळतीला ही सुरुवात होते. यासाठी या दिवसात हेल्दी फुडचा समावेश केला पाहिजे. दुध, फळे, पालेभाज्या,अंडी, ड्रायफ्रूट्स खाणे फायदेशीर ठरते. याच बरोबर नियमित खजूरचा वापर जर केला तर याचा फायदा तुम्हाला पचनक्रिया राहण्यासाठी, हाडे मजबूत करण्यासाठी,शरीरात ऊर्जा तयार करण्यासाठा तसेच रक्ताची कमतरता दूर करण्यास मदत करते. यात लोह, खनिजे, कॅल्शियम, फॉस्फरस आणि जीवनसत्त्वे असल्याने थंडीच्या दिवसात याचा अधिक फायदा होतो. तुम्ही खजूर भिजवून, दूधातून किंवा खजूरमध्ये तूप घालून खाऊ शकता.

या आजारांपासून होईल सुटका

पचनक्रिया सुरळीत राहते

खजूरमध्ये फायबरचे प्रमाण जास्त असते. रोज तीन ते चार खजूर भिजवून खाल्याने अन्नपचन चांगले होते.

हाडे मजबूत होतात

खजूरमध्ये कॅल्शिअम, पोटॅशिअम, मॅग्नेशिअम, काॅपर आणि सेलेनियम हाडांना मजबूत करण्यास मदत करतात.

शरीरात ऊर्जा राहते

खजूराला कार्बोहाइड्रेटचा स्त्रोत मानला जातो. शरीरात एनर्जी लेव्हल राखण्यासाठीही मदत करते.

रक्ताची कमतरता दूर होते

नियमितपणे खजूर खाल्ल्याने रक्ताची कमतरता दूर होते. दुधासोबत तुम्ही नियमित खजूर खाऊ शकता.

दातांच्या किडी पासून रक्षण करतो

खजूरमध्ये फ्लोरिन नावाचे तत्व असेत जे दातांवरील प्लेक काढून टाकण्यास मदत करतेच शिवाय पोकळीपासून संरक्षण करते. याशिवाय दातांचे इनॅमल मजबूत करते.

त्वचा आणि केसांसाठी उपयुक्त

त्वचेची लवचिकता टिकवून ठेवण्याचे काम खजूर करते. यात व्हिटॅमिन भरपूर प्रमाणात असते. यामुळे केस आणि त्वचेला याचा चांगला फायदा होतो.

दृष्टी वाढण्यास मदत करते

खजूरात व्हिटॅमिन ए असते. रोज नियमित खजूर खाल्याने दृष्टी वाढण्यास मदत होते.

रक्तदाबासाठी उपयुक्त

रक्तदाब कमी करण्यास खजूर मदत करते.

दुध, खजूर खाल्याने खोकल्यापासून आराम मिळतो.

निद्रानाशावर उपचार करण्यासाठी याची चांगली मदत होते.