Healthy Diet : दह्यासोबत 'या' गोष्टी चुकूनही खाऊ नका

उन्हाळा म्हटलं की दही, ताक हे थंड पेय खावसं किंवा प्यावसं वाटतं पण हे पेय पितानाही विशेष काळजी घ्यावी लागते. विशेषत: दही खाताना काही विशेष गोष्टींची काळजी घेणे अत्यावश्यक असते.

आज आम्ही तुम्हाला दह्यासोबत कोणत्या गोष्टी खाऊ नये, याविषयी सांगणार आहोत. चला तर जाणून घेऊया त्या गोष्टी कोणत्या? (never eat these things with curd)

• दह्यानंतर लगेच दुध कधीच पिऊ नये. दह्यानंतर लगेच दुध पिल्यास उलट्या होऊ शकतात. त्यामुळे असं करणे शक्यतो टाळावेत.

• अनेकजण उपवासाला दही आणि आंबा सोबत खातात पण चुकूनही दह्यासोबत आंबा खाऊ नये, असे केल्यास पोट बिघडण्याची शक्यता असते.

• याशिवाय दह्यासोबत कधीच तळलेल्या किंवा भाजलेले पदार्थ खाऊ नये, यामुळे पचनक्रिया बिघडते.

• दह्यासोबत कांदा कधीही चुकूनही खाऊ नये.

• जर तुम्ही मासाहारी असाल तर तर दह्यासोबत मासे कधीही खाऊ नये. दह्यासोबत मासे खाल्याने त्याचा विपरीत परिणाम आरोग्यार होऊ शकतो. तुम्हाला पित्ताचा त्रास होऊ शकतो.

• दह्यासोबत कधीच आंबट पदार्थ खाणे टाळा. दही आधीच आंबट असतं त्यासोबत आणखी आंबट खाल तर त्याचा विपरीत परिणाम दिसून येणार.

• विशेष म्हणजे नुसते दही खाणे, हे शरीरासाठी खूप फायदेशीर असते.