Personality tips : इतरांच्या वाईट वागण्याने तुमचा Confidence जातो? मग हे तुम्ही वाचायलाच हवं...

Life Tips For Personality Development : काही लोकांचा स्वभाव फारच हळवा असतो. कोणी जरा काही बोललं की, त्यांच्या मनाला फार लागतं. जर कोणी काही वाईट बोललं तर त्यांचं खाणं पिणं, झोप सगळंच डिस्टर्ब होतं. त्यामुळे त्यांचा आत्मविश्वासही डगमगतो. अशा लोकांसाठी इथे काही टिप्स देत आहोत.

वाईट बोलण्याचा असर कमी कसा करणार?

• जर कोणी तुम्हाला वाईट बोलत असेल तर त्यामागची भावना समजून घ्या. असं होऊ शकतं की, समोरची व्यक्ती काही ताणात असेल आणि रागात बोलून गेला असेल.

• अशावेळी त्या ठिकाणाहून निघून जा.

• एक गोष्ट डोक्यात पक्की करा की, तुम्ही इतरांचा स्वभाव नियंत्रित करू शकत नाहीत.

• पण तुमच्या विचारांवर तुम्ही नियंत्रण ठेवू शकतात. त्यामुळे त्या कटू शब्दांना महत्व द्यायच की, नाही हे तुम्ही ठरवा.

• जर कोणी तुम्हाला दुखावलं तर ही त्याची सवयच आहे असं म्हणून दूर्लक्ष करा.

• अशावेळी स्वतःला समजवा की, त्याचा हेतू आपल्याला दुखावण्याचा नव्हता.

• जेव्हा कोणी तुम्हाला दुखावतो तेव्हा विचार करा की, ती व्यक्ती कोणत्या वातावरणात वाढली आहे. त्यामुळे ते असे बोलून गेले असतील.