Heart Attack Symptoms: 'या' वयोगटातील महिलांना हार्ट अटॅकचा सर्वाधिक धोका, वेळीच लक्षणे ओळखा नाहीतर...

Heart Attack Symptoms in Women : अवघ्या ३० वर्षाच्या असणाऱ्या युवा सेनेच्या सचिव ॲड. दुर्गा भोसले शिंदे यांचे बुधवारी रात्री हार्ट अटॅकमुळे निधन झाले. मुळात आपल्यापैकी बऱ्याच लोकांना असं वाटतं की हार्ट अटॅक हा महिलांच्या तुलनेत पुरुषांना अधिक येतो पण दिवसेंदिवस महिलांमध्येही हार्ट अटॅकचे प्रमाण वाढले आहे.

तुम्हाला माहिती आहे का कोणत्या वयोगटातील महिलांना हार्ट अटॅक येण्याचा धोका असतो? याची लक्षणे काय असतात? आज आपण याविषयी जाणून घेणार आहोत.

'या' वयोगटातील महिलांना हार्ट अटॅकचा सर्वाधिक धोका

हार्ट अ‍टॅक हा बल्ड फ्लोमध्ये अडथळा निर्माण झाल्यावर हार्टपर्यंत रक्त पोहचू शकत नसल्यामुळे हल्ली पुरुषांसोबत महिलांमध्येही हार्ट अटॅक येण्याचे प्रमाण वाढलेत. तज्ज्ञांच्या मते, 18 ते 55 वयोगटातील महिलांमध्ये हार्ट अ‍ॅटक येण्याचा धोका सर्वाधिक असतो.

महिलांमध्ये हार्ट अटॅकची लक्षणे

• बऱ्याच महिलांचं हाय कोलेस्ट्रॉल असतं. हाय कोलेस्ट्रॉल हे सर्वात मोठे लक्षण आहे ज्यामुळे हार्ट अटॅकचा धोका सर्वाधिक वाढतो. कोलेस्ट्रॉलची लेव्हेल वाढल्यानंतर हार्ट अटॅकचा धोका वाढतो.

• अनेक महिलांना हाय ब्लड प्रेशरचा त्रास होतो. बीपी वाढणे हे हार्टच्या आरोग्यासाठी उत्तम नसतं. त्यामुळे हाय बीपीचा त्रास असणाऱ्यांना हार्ट अटॅकचा धोका अधिक असतो.

• महिलांमध्ये स्ट्रेस, डिप्रेशन आणि एन्झायटी या समस्या प्रामुख्याने दिसून देतात यामुळेही महिलांना हार्ट अटॅकचा धोका वाढतो.

• याशिवाल स्थुलपणा, डायबिटीज या सामान्य वाटणाऱ्या समस्या कधी कधी हार्ट अटॅकचं लक्षण ठरू शकतं

• सोबतच मान, पाठ, कंबर , हातपाय दुखणे हे हार्ट अटॅकचे प्राथमिक लक्षण असतात.

• विशेष जर तुमच्या छातीत दुखत असेल किंवा छातीत कळ येत असेल तर हे हार्ट अटॅकचं एक लक्षण असू शकतं.

• अशक्तपणा जाणवणे, श्वास घ्यायला त्रास होणे किंवा तीव्र डोकेदुखी हे सुद्धा हार्ट अटॅकचे सामान्य लक्षणे असू शकतात.