हाडांसाठी स्टेरॉईड घातक | Sakal
sakal

बोलून बातमी शोधा

Steroids harmful to bones
हाडांसाठी 'स्टेरॉईड' घातक

हाडांसाठी 'स्टेरॉईड' घातक

नागपूर : चित्रपटातील (Movies) नायकाचे सिक्स पॅक पाहून तरुण त्याचा कित्ता गिरवायला लागतात. काही तर अक्षरशः वेडे होतात.

‘सिक्स पॅक(Six pack)’साठी मग युवा जीमचा (Gym) मार्ग धरतात. बॉडी बनवायची म्हणून घाम गाळतात. जीमने बॉडी बनतेही. पण शरीर सुडौल दिसावे म्हणून शॉर्टकटचा वापर केल्या जातो. सकस आहाराबरोबर घेतात. परंतु, शरीर सुडौल दिसण्याच्या लोभापायी स्टेरॉईडचाही वापर करतात. बॉडी बनविण्याचा हा शॉर्टकट अंगाशी येण्याची शक्यता असते. कारण स्टेरॉईडच्या सेवनाने हाडे ठिसूळ (Osteoporosis) होण्याचा धोका असतो.

हेही वाचा: अकोला : मनपा निवडणुकीत काँग्रेसचा भार पश्चिमवरच!

जिममध्ये किंवा व्यायामशाळेत (Exercise school) येण्यामागचा उद्देश चांगलाच असतो. परंतु जीममध्ये गेल्यानंतर अनेकदा कळत न कळत चुका होतात. जीमला जाण्यापूर्वी अनेकजण प्रथिने आणि शरीराला ऊर्जा (Body energy) प्रदान करणारे तंतुमय खाद्य पदार्थांचे सेवन करतात. यामुळे पचनसंस्था बिघडण्याचा धोका असतो. यामुळे व्यायामाचा विपरीत परिणाम आपल्या शरीरावर होतात, अशी माहिती प्रसिद्ध अस्थिरोग तज्ज्ञ डॉ. संजीव चौधरी यांनी दिली. जीममध्ये तरुणाईने नक्कीच जावे पण व्यायामापूर्वी काही नियम कटाक्षाने पाळावे. अनेकदा जीम चालकही या गोष्टीपासून अनभिज्ञ असतात. चुका टाळून व्यायाम केल्यास चांगलाच परिमाण दिसून येईल, असेही त्यांनी सांगितले.

हेही वाचा: अकोला : मनपा निवडणुकीत काँग्रेसचा भार पश्चिमवरच!

वॉर्मिंग अप, स्ट्रेचिंग नक्कीच करा

जीममध्ये अनेक जण वॉर्मिंग अप आणि स्ट्रेचिंग करायला कंटाळतात. परंतु, असे करणे शरीरासाठी धोकादायक ठरू शकते. कोणताही व्यायाम सुरु करण्यापूर्वी किमान ५ मिनिटे वॉर्मिंग अप आणि स्ट्रेचिंग जरूर करावे. सावकाश सुरुवात करून मगच त्यात वाढ करावी. तसेच ज्याप्रमाणे गाडी चालवण्यासाठी इंधनाची गरज असते, त्याचप्रमाणे जिम करताना शरीराला ऊर्जेची आवश्यकता आहे.

जीमला जाण्यापूर्वी

- जास्त पाणी पिऊ नका

- झोप पूर्ण होऊ द्या

- चहा-कॉफी घेऊन जीम करू नका

- शरीराला ऊर्जा देणारे पदार्थ घेऊ नये

- क्षमतेपेक्षा जास्त वजन उचलू नये

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top