अल्कोहोलचा व्यायामावर परिणाम

- महेंद्र गोखले, फिटनेसविषयक प्रशिक्षकमी आज अशा विषयावर लेख लिहितो आहे ज्याबद्दल अतिशय सहज आणि विनोदाने चर्चा केली जाते किंवा हा विषय हसण्यावारी नेला जातो. परंतु खरंतर आपण या विषयाचा गांभीर्याने विचार केला पाहिजे. सर्वसाधारणपणे असे दिसते आहे, की जे लोक फिट असतात ते फिट नसणाऱ्या लोकांपेक्षा जास्त अल्कोहोलचे सेवन करतात..परंतु ते योग्य आहे का? आणि असल्यास, किती प्रमाणात? आपण आपला फिटनेस टिकवण्यासाठी प्रयत्नशील आहोत म्हणून आपल्याला थोड्याफार प्रमाणात अल्कोहोल सेवन करण्याचे स्वातंत्र्य आहे का? अल्कोहोलमध्ये कॅलरीज असतात हे आपण लक्षात घेतले पाहिजे.अल्कोहोल सेवनाचे प्रत्येक व्यक्तीवर वेगळे परिणाम होतात. हे परिणाम काही मुलभूत घटकांवर अवलंबून असतात जसे की अनुवंशिकता, शरीराचा आकार, आपण कोणता खेळ खेळता किंवा आपल्या ऍक्टिव्हिटीज काय आहेत किंवा आपले शरीर किती प्रमाणात हायड्रेटेड आहे..अल्कोहोलचा आपल्या शरीरावर होणारा परिणाम समजून घेऊया. शरीरावर अल्कोहोलचा सर्वांत सहज दिसण्याजोगा परिणाम म्हणजे डिहायड्रेशन. आपण अल्कोहोलचे सेवन करतो, तेव्हा अँटीडायरेटिक हार्मोन्सचा प्रतिबंध होतो ज्यामुळे मूत्रविसर्जनाच्या वेळी किडनीमध्ये कमी पाणी शोषले जाते.यामुळे मूत्रपातळी वाढते आणि वारंवार लघवी होते. शरीरातून जास्त प्रमाणात पाणी बाहेर जात असल्याने डिहायड्रेशन होण्याची शक्यता असते. ही समस्या व्यायामादरम्यान उद्भवू शकते- कारण तेव्हा घामाच्या रूपातही पाणी शरीराबाहेर टाकले जात असते..वर्कआउटसाठी पूर्णपणे हायड्रेट करणे महत्वाचे आहे; म्हणूनच, व्यायामापूर्वी मद्यपान करणे धोकादायक आहे. चार टक्क्यांपेक्षा जास्त अल्कोहोल असलेले पेय डिहायड्रेशनपासून रिहायड्रेशनपर्यंत रिकव्हरी करण्यास उशीर लावू शकतात. वेळेवर रिहायड्रेशनपर्यंत पोचता आले नाही तर व्यायामाच्या संदर्भात परिस्थितीत धोकादायक ठरू शकते.‘मॉडरेट’ हा शब्द आपण या संदर्भात अनेक वेळा ऐकतो. या शब्दाचा अर्थ लक्षात घेतला पाहिजे. अमेरिकेच्या सेंटर फॉर सेंटरच्या म्हणण्यानुसार, महिलांसाठी दर आठवड्याला दोन लहान पेय आणि पुरुषांसाठी दर आठवड्याला चार लहान पेय म्हणजे मॉडरेट होय. एकाच वेळी किंवा दीर्घ कालावधीसाठी बरेच अल्कोहोलचे सेवन केल्याचे बरेच परिणाम होतात, जसे की, हृदय, लिव्हर, आपली प्रतिकारशक्ती आणि गॅस्ट्रोइंटेस्टाइनल सिस्टमचे नुकसान..अल्कोहोल सेवनामुळे आपल्या शरीराचे वजन नियमित राखणे कठीण होते आणि फॅट वाढू शकते. आपण पुरेसे प्रोटिन्स घेत नसलो आणि योग्य रिकव्हरीसाठी वेळ दिला नाही, तर स्नायूंचे वस्तुमान राखणे किंवा वाढविणे आव्हानात्मक होऊ शकते. आपण अल्कोहोलचे सेवन करतो आणि स्नायूंच्या रिकव्हरीचा विचार करतो तेव्हा या सगळ्या गोष्टी लक्षात ठेवणे गरजेचे आहे..व्यायाम हा स्नायूंच्या टिशूवरचा ताण आहे ज्यामुळे ते तुटू शकतात; पण ही एक चांगली गोष्ट आहे कारण यामुळे स्नायूं अधिक मजबूत होतात आणि वाढतात. परंतु मद्यपान केल्याने ही संपूर्ण प्रक्रिया बिघडते. अल्कोहोल आपल्या शरीरातील स्नायू-बांधणीच्या प्रक्रियेमध्ये अडथळा निर्माण करते; जेणेकरून आपले शरीर त्यांना दुरुस्त करण्यासाठी स्नायूंमध्ये जास्त प्रमाणात अमिनो ॲसिड घेऊ शकत नाही. आपल्या स्नायूंची बांधणी आपण मद्यपान केले नाही तरच चांगले होऊ शकतात.योग्य झोपेच्या गरजेमध्ये अल्कोहोलमुळे नकारात्मक परिणाम होऊ शकतो. व्यायामानंतर दुसऱ्या दिवशीच्या एनर्जी मिळण्यासाठी रिकव्हरीसाठी पुरेशा झोपेची आवश्यकता असते. तसेच भूक हार्मोन्सचे नियमन करण्यात मदत करते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

अल्कोहोलचा व्यायामावर परिणाम

Related Stories