गॅस, अपचन, बद्धकोष्ठतेवर रामबाण उपाय; रोज २ मिनिटे उत्तानपादासन करून पोटाच्या तक्रारींना करा रामराम

उत्तानपादासन हे सोपे आणि प्रभावी योगासन आहे, ज्याचा सराव घरी सहजपणे करता येतो. आजच्या धावपळीच्या जीवनात अनेकांना कामासाठी दीर्घकाळ एका जागी बसून रहावे लागते. फास्टफूड, चुकीच्या आहारपद्धती, तणाव याचा थेट परिणाम शरीरावर होतो. अशा वेळी उत्तानपादासन शरीर आणि मन या दोघांसाठीही अत्यंत फायदेशीर ठरते. विशेष म्हणजे, यासाठी कोणत्याही विशेष उपकरणांची किंवा मोठ्या तयारीची गरज नसते. केवळ स्वच्छ आणि सपाट जागा पुरेशी असते.