Long-Term Pollution Triggers Memory Loss
esakal
Long-Term Pollution Triggers Memory Loss: जागतिक आरोग्य संघटनेने (WHO) डिमेंशियाबाबत (स्मृतीभ्रंश) महत्त्वाची आणि नवीन जागतिक मार्गदर्शक तत्त्वे जाहीर केली आहेत. २०१३ नंतरचे हे पहिले मोठे अपडेट असून, वाढते प्रदूषण आणि बदलती जीवनशैली मेंदूच्या आरोग्यावर कसा घातक परिणाम करत आहेत, हे यात अधोरेखित करण्यात आले आहे. विशेष म्हणजे, डिमेंशियाच्या कारणांमध्ये यावर्षी पहिल्यांदाच 'वायुप्रदूषणाचा' समावेश करण्यात आला आहे.
WHO च्या अहवालानुसार, उच्च रक्तदाब, मधुमेह, धूम्रपान, शारीरिक निष्क्रियता आणि दीर्घकाळ वायुप्रदूषणाच्या संपर्कात राहणे यांसारख्या प्रमुख धोक्यांवर वेळीच नियंत्रण मिळवल्यास डिमेंशियाची जवळपास ४५ टक्के प्रकरणे टाळता किंवा लांबवता येऊ शकतात.
