World Parkinson's Day: अक्षरे वेडीवाकडी होत असतील तर सावधान... | Sakal
sakal

बोलून बातमी शोधा

World Parkinson's Day
World Parkinson's Day: अक्षरे वेडीवाकडी होत असतील तर सावधान...

World Parkinson's Day: अक्षरे वेडीवाकडी होत असतील तर सावधान...

World Parkinson's Day 2022: शरीराच्या हालचालीत संथपणा आला, शरीराला कंपन येत आहेत, शरीर एका बाजुने निकामी होत असल्याचे संकेत मिळत आहेत, हात पाय कडक होत आहेत, पाठीचा कणा वाकत आहे, चालण्यास अडचण येत आहे, अचानक चालताना पडण्याची शक्यता आहे, लिहिताना अक्षर वेडेवाकडे होत आहे अशी लक्षणे आढळल्यास सावधान...तत्काळ मेंदुरोग तज्ज्ञांकडे धाव घ्यावी. ही सर्व लक्षणे पार्किन्सन आजाराची. पार्किन्सन हा मेंदूरोग असून ६५ वर्षे वयोगटातील १०० व्यक्तींमध्ये एकाला हा आजार आढळतो. (World Parkinson's Day 2022, Know about Parkinsons disease)

मेंदुरोग तज्ज्ञांशी साधलेल्या संवादातून ११ एप्रिल हा दिवस पार्किन्सन आजाराच्या आणि त्यांच्या काळजीवाहू लोकांचे जीवन सुधारण्यासंबंधी जागरूकता वाढवण्यासाठी समर्पित करण्यात आला आहे. वर्ल्ड फेडरेशन ऑफ न्युरोलॉजीचे विश्वस्त डॉ. चंद्रशेखर मेश्राम म्हणाले, पार्किन्सन आजाराची लक्षणे ओळखली जात नाहीत, २५ टक्के रुग्णांना पार्किन्सन असूनही निदान चुकीचे होते. चोर पावलांनी येणारा आजार आहे. यावर औषधोपचार नाही. केवळ न्यूरोलॉजिकल केअर आणि उपचारामुळे जीवन सुधारण्याच्या प्रयत्न करु शकतो.

हेही वाचा: दोन बिअर पिण्यामुळे मेंदू 10 वर्षांनी म्हातारा होतो; संशोधकांचा दावा

''मेंदूत तयार होणाऱ्या डोपामिन नावाच्या रासायनिक बदलामुळे हा आजार उद्भवतो. संदेशवहनासाठी हे डोपामिन अत्यंत उपयुक्त असते. मात्र, त्याच्या मार्गात अडथळे निर्माण झाले, की पार्किन्सन येतो. विशेष म्हणजे हा आजार नेमका कोणत्या वयात उद्भवू शकतो. उतारवयात मेंदूवरील नियंत्रण बिघडते.''

-डॉ. चंद्रशेखर मेश्राम, विश्वस्त, वर्ल्ड फेडरेशन ऑफ न्यूरोलॉजी

''जगात सुमारे ९० लाख व्यक्ती पार्किन्सन आजाराच्या विळख्यात सापडले आहेत. आयुर्मान दर वाढत असल्यामुळे या आजाराचे प्रमाण वाढत आहे. आपल्या देशात या रोगाचे ८ ते ९ लाख रुग्ण आहेत. १० वर्षानंतर हे प्रमाण दुप्पट होईल. पुरुषामध्ये दीडपटीने जास्त प्रमाण आहे. ४० वयोगटाखालील तरुणांमध्ये सुद्धा हा पार्किन्सन आजार दिसून येतो.''

-डॉ राजिंदर धमीजा, मेंदुरोग तज्ज्ञ

हेही वाचा: कोविड महामारीत मुंबईकरानी बिघडवले हाडे, सांध्यांचे आरोग्य

ही देखील पार्किन्सनची लक्षणे-

  • लिहितांना अक्षरांचा आकार लहान होतो

  • अक्षर वेडेवाकडे होतात

  • सहीमध्ये बदल होतो

  • तोंडातून लाळ सांडत असते

  • झोपेत व्यत्यय येतो

  • वेदना आणि पोटाचे विकार वाढतात

  • बद्धकोष्ठपणा, चिंता आणि नैराश्य दिसते

  • अशी आहेत कारणे

  • काही अनुवांशिक घटक

  • शरीरातील विषारी पदार्थ

  • वातावरणातील विषारी घटक

  • काही औषधेदेखील कारणीभूत ठरतात

Web Title: World Parkinsons Day 2022 Know About Parkinsons Disease

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..