Yoga For Beginners: नवशिक्यांसाठी 'ही' 5 योगासने सर्वोत्तम, जाणून घ्या फायदे

Yoga For Beginners: सध्याच्या धावपळीच्या काळात शारीरिक आणि मानसिक आरोग्याची काळजी घेणे गरजेचे आहे. चुकीच्या खाण्या-पिण्याच्या सवयी, योगाचा अभाव, वजन वाढणे या समस्या सामान्य झाल्या आहेत. यामुळे निरोगी राहण्यासाठी पौष्टिक आहारासोबतच व्यायाम करणे गरजेचे आहे. योगा करणे आरोग्यासाठी फायदेशीर असते. जर तुम्हालाही योगा सुरू करायची असेल तर नवशिक्यांसाठी पुढील योगासने करणे फायदेशीर ठरते.

वृक्षासन

एकाग्रता भावना वाढवण्यासाठी आणि पाठीचा कणा मजबूत आणि लवचिक होण्यासाठी वृक्षासन करणे फायदेशिर ठरते. वृक्षासन हा देखील शरीराचे संतुलन वाढवण्यासाठी एक अतिशय चांगला योग आहे. यासोबतच वृक्षासन केल्याने हात आणि पायांची चरबीही कमी होते.

त्रिकोनासन

हा योग केल्यास मान, पाठ, कंबर आणि पाय मजबूत राहते. यासोबतच हा योगा शरीरात संतुलन ठेवण्यासाठी रामबाण उपाय मानले जाते. त्रिकोनासन केल्याने पचन आणि अॅसिडिटी सारख्या समस्यांपासून आराम मिळतो. हे वजन कमी करण्यासाठी देखील खूप चांगले मानले जाते.

ताडासन

ताडासनाचा सराव नियमितपणे केल्याने मुलांची वाढण्यास मदत मिळते. तसेच शरीराचा समतोल राखण्यास मदत मिळते. हा योग केल्याने पचनसंस्था सुरळित कार्य करते. तसेच पोटासंबंधित समस्या दूर राहतात.

सुर्यनमस्कार

प्रत्येक वयोगटातील व्यक्तीसाठी सूर्यनमस्कार करणे खुप फायदेशीर ठरते. सकाळी किंवा संध्याकाळी ५ सूर्यनमस्कार काढल्यास शारीरिक आणि मानसिक आरोग्य निरोगी राहते.

सुखासन

सुखासन करणे आरोग्यासाठी फायदेशीर आहे. हा योग प्रकरा केल्याने रक्ताभिसरण सुधारते आणि हृदयासंबंधित आजारांचा धोका कमी होतो. सुखासन केल्याने तणाव कमी होते आणि एकाग्रता वाढते. नवशिक्यांनी हा योग केल्यास अनेक समस्या दूर राहतात.