Diwali Festival 2021 - पैठणीचे ड्रेस, खण, इरकलची बातच न्यारी 

दिवाळी अवघ्या काही दिवसांवर आलीय. या काळात परंपरा जपण्याकडे अनेकांचा कल असतो. महिलांच्या ठेवणीतल्या साड्या जरा बाहेर काढल्या जातात. त्यांना उन दाखवलं जातं. पण, सणासुदीच्या काळात नवी साडी, ड्रेस घेतलाच जातो. यात पारंपारिक कपड्यांना जास्त मागणी असते. साड्या ड्रेसमध्ये सध्या सगळ्यात फेमस आहे ते पैठणीचे, खणाचे ड्रेस, तर खण आणि इरकल साड्या घेण्याकडे सध्या अनेकींचा कल आहे. खण, इरकल आवडतं कारण त्यानं मिळणारा ट्रेडिशनल लूक. रंगाचं वैविध्य बघायला मिळतं. याचबरोबर खणाचे दागिनेही सध्या लोकप्रिय आहेत.