Jalgaon Accident News : कारच्या धडकेत यावलचे 3 जखमी

Jalgaon News : यावल येथील तीन तरुण कामासाठी जळगावला आले होते. काम आटोपून आपापल्या दुचाकीने घराकडे जात असताना, समोरून सुसाट कारचालकाने एकामागून एक दुचाकींना धडक दिली. (3 injured in car accident jalgaon news)

या अपघातात तीन जखमी झाले. यावलच्या आसारामनगरमधील अमृतराव बाबूराव बारी (वय ४०) रविवारी (ता. १४) कामानिमित्त जळगावला आले होते.

काम आटोपून दुपारी चारच्या सुमारास यावलला जळगाव-आसोदामार्गे ते जात असताना, आसोद्याकडून जळगावच्या दिशेने येणाऱ्या सुसाट कार (एमएच ४३, एएन २६९१) वरील चालकाने दारूच्या नशेत अमृत बारी यांच्या दुचाकीला (एमएच १९, एजी ४२४५) जोरदार धडक दिली.

हेही वाचा : Credit Card फसवणूक....काय घ्याल काळजी?

यावरही कारचालक थांबला नाही, दुसरी दुचाकीला (एमएच १९, एसडी ६८८८) धडक दिली. यात दुचाकीवरील अमृत बारी, गणेश पंडित बाविस्कर आणि अश्रफअली मुजफ्फरअली सय्यद गंभीर जखमी झाले.

जखमींवर रुग्णालयात उपचार झाले. नंतर त्यांनी दिलेल्या जबाबावरून तालुका पोलिसांत कारचालकाविरुद्ध गुन्हा दाखल झाला असून, सहाय्यक फौजदार वासुदेव मराठे तपास करीत आहेत.