Jalgaon Crime News : शहरातील वेगवेगळ्या भागातून दुचाकी चोरी करणाऱ्या चोरट्याला जिल्हापेठ पोलिसांनी एरंडोल येथून ताब्यात घेतले व त्याच्याकडून चोरीच्या पाच दुचाकी हस्तगत केल्या. (5 stolen bikes recovered from recovery agent Jalgaon Crime News)
चंद्रकांत रामदास साळुंखे (वय ४२, रा. हिराशिवा कॉलनी, जळगाव), असे संशयिताचे नाव आहे. तो खासगी कंपनीत लोन रिकव्हरी करीत असल्याची माहिती पोलिसांना मिळाली.
चंद्रकांत साळुंखे दुचाकींची चोरी कीरत असल्याची माहिती जिल्हापेठ पोलिसांना मिळाली. सीसीटीव्हीची धुंडाळणी करताना एका ठिकाणी चंद्रकांत साळुंखे आढळून आला. त्याचा अनेक दिवस शोध घेतल्यावर तो एरंडोल येथे वास्तव्यास असल्याची माहिती पोलिस निरीक्षक बबन आव्हाड यांना मिळाली.
हेही वाचा : Credit Card फसवणूक....काय घ्याल काळजी?
त्यांनी गुन्हे शोध पथकाला रवाना केले. पोलिस सहाय्यक फौजदार सलीम तडवी, रवींद्र साबळे, तुषार पाटील, पोलिस नाईक भारती देशमुख यांनी संशयित चंद्रकांत साळुंखे याला एरंडोल शहरातून ताब्यात घेतले.
सुरवातीला उडवाउडवीची उत्तरे देणाऱ्या संशयिताला पोलिस प्रसाद भेटताच त्याने गुन्ह्याची कबुली देत एका मागून एक, अशा पाच चोरीच्या दुचाकी काढून दिल्या. त्याची चौकशी सुरू असून, इतरही गुन्हे उघडकीस येणार असल्याचे निरीक्षक अव्हाड यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.