Jalgaon Crime News : अल्पवयीन मुलीस पळवून अत्याचार करून ठार मारण्याचा प्रयत्न

मेहुणबारे (ता. चाळीसगाव) : अल्पवयीन मुलीला फूस लावून पळवून नेत तिच्यावर वारंवार अत्याचार करून तिने ही घटना कुणास सांगू नये, यासाठी मुलीस विष पाजून ठार मारण्याचा प्रयत्न झाल्याची खळबळजनक घटना तालुक्यातील एका गावात घडली आहे. या प्रकरणी मेहुणबारे पोलिस ठाण्यात एकाविरोधात गुन्हा दाखल करण्यात आला आहे.

चाळीसगाव तालुक्यातील एका गावातील अल्पवयीन मुलीस संशयित राहुल वाल्मीक अहिरे याने फूस लावून पळवून नेले व मेहुणबारे शिवारातील शेतात नेत अत्याचार केला.(Attempt to abduct torture kill minor girl jalgaon crime news)

तसेच हा प्रकार कुणास सांगू नये म्हणून पीडित मुलीस धमकी देत तिला विष पाजून ठार मारण्याचा प्रयत्न केला. या प्रकरणी संशयित राहुल अहिरे याच्याविरोधात मेहुणबारे पोलिस ठाण्यात गुन्हा दाखल करण्यात आला आहे. पीडितेस उपचारार्थ रूग्णालयात दाखल करण्यात आले आहे.