जळगाव : भुसावळसह जिल्ह्यात विविध ठिकाणी चोरी व लूट करणाऱ्या टोळीला गुन्हे शाखेच्या पथकाने अटक केली आहे. अटकेतील चौघांनी गुन्ह्याची कबुली दिली असून त्यांच्याकडून इतरही गुन्हे उघडकीस येण्याची शक्यता वर्तविली जात आहे.
जळगाव शहरासह जिल्ह्यात चोरी, घरफोड्यांसह जबरी लूटीचे प्रकार वाढले आहेत. पोलिस अधीक्षक एस. जयकुमार यांच्या सूचनेनुसार स्थानिक गुन्हे शाखेचे पथक या चोऱ्यांचा स्वतंत्र तपास करत होते. (Bhusawal Thieves gang arrested Action of crime branch team Jalgaon Crime News)
हेही वाचा : ..तर तुम्हालाही मिळू शकेल इन्कमटॅक्सचा जुना रिफंड
निरीक्षक किशन नजन पाटील यांना मिळालेल्या माहितीनुसार, भुसावळ शहरात उच्छाद मांडणाऱ्या टोळीवर गुन्हेशाखेने लक्ष केंद्रित केले होते. टोळीतील प्रमोद कैलास धिवरे (वय-२७, रा. कंडारी, भुसावळ), मयूर संजय अंभोरे (वय-२२, पंधरा बंगला भुसावळ), आकाश किशोर किरतकुरे (वय-२८, कंडारी), हितेंद्र ऊर्फ किट्टू राजू बोदला (वय-२४, रा. झेड. टी, हायस्कूल भुसावळ) अशा चौघांना अटक करण्यात आली आहे.
अटकेतील संशयितांकडून मोबाईल जप्त करण्यात आले आहेत. संशयितांच्या टोळीने लूटीचे गुन्हे कबूल केले असून त्यांना अधिक तपासासाठी बाजारपेठ पोलिसांच्या स्वाधीन करण्यात आले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.