Jalgaon Crime News : विवाहिता, मुलीस आत्महत्येस प्रवृत्त केल्याचा गुन्हा दाखल

अमळनेर (जि. जळगाव) : तालुक्यातील नीम येथील विवाहितेने आपल्या मुलीसह ४ ऑक्टोबर २०२२ ला विहिरीत उडी घेऊन आत्महत्या केल्याची घटना घडली होती.

या प्रकरणी तिच्या घरासमोरील एकाने प्रेमसंबंध ठेवत सोन्याची बाळी घेऊन फोटो आणि व्हाइस रेर्काडिंग व्हायरल केल्याची धमकी दिल्याने आत्महत्येस प्रवृत्त केल्याप्रकरणी त्याच्याविरुद्ध मारवड पोलिसांत गुन्हा दाखल करण्यात आला आहे. (case registered for inciting married woman to commit suicide Jalgaon Crime News)

हेही वाचा : योग्य वेळेतच करा इच्छापत्र आणि व्हा चिंतामुक्त

नीम येथील समाधान जहागीर कोळी यांनी दिलेल्या फिर्यादीत म्हटले आहे, की पत्नी जयश्री समाधान कोळी (वय ३५) हिने मुलगी नंदिनी समाधान कोळी (वय ७) हिला घेऊन ४ ऑक्टोबरला विहिरीत उडी घेऊन आत्महत्या केली होती. घरासमोर अशोक गटलू कोळी राहतो. त्याला पत्नीने तिची ५ ग्रॅमची बाळी दिली होती.

याबाबत तिने दीर हिरालाल व सासू हिराबाई यांना सांगितले होते. त्यांनी ती बाळी मागितली असता त्याने बदनामी करण्याची धमकी दिली होती. त्याला समजून सांगितल्यानंतर त्याने बाळी दिली नाही, असे फोटो व रेर्काडिंग नसल्याचे सांगितले.

तर ३ ऑक्टोबरला आई हिराबाई संप्तश्रृंगी गडावर गेली असताना सायंकाळी पाचच्या सुमारास पत्नीने अशोक हा बदनामीची धमकी देत असल्याने मी माझे जिवाचे बरे वाईट करून घेईल. दुसऱ्या दिवशी तिने कळमसरे (ता. अमळनेर) गावाबाहेरील नीम रस्त्यावरील जैन यांच्या शेतातील विहिरीत उडी घेऊन आत्महत्या केली. तिच्या मृत्यूस अशोक जबाबदार असल्याने या प्रकरणी मारवड पोलिसांत गुन्हा दाखल करण्यात आला आहे.