Jalgaon Political Update : जामनेर राष्ट्रवादीचे शहराध्यक्ष भाजपात दाखल !

जामनेर : राष्ट्रवादी काँग्रेसचे शहराध्यक्ष जितेश ऊर्फ पप्पू पाटील यांनी नुकताच राज्याचे ग्रामविकास तथा क्रीडा व युवक कल्याणमंत्री गिरीश महाजन यांच्या उपस्थितीत भाजपत प्रवेश केला. या वेळी पाटील यांचे पुष्पगुच्छ देऊन स्वागत करण्यात आले.

राष्ट्रवादीला पंधरा दिवसांतच पुन्हा एक धक्का बसला आहे. यापूर्वी राष्ट्रवादीचे नेते व माजी पंचायत समिती सदस्य रामलाल नाईक यांनीही आपल्या शेकडो कार्यकर्त्यांसह मंत्री महाजनांच्या उपस्थितीत भाजपत प्रवेश केला होता.(City mayor of Jamner NCP Joined BJP

Jalgaon Political News)

जितेश पाटील हे गेल्या अनेक वर्षांपासून राष्ट्रवादीचे निष्ठावंत कार्यकर्ते म्हणून ओळखले जात होते. विरोधक म्हणून अनेक आंदोलनात त्यांनी राष्ट्रवादी काँग्रेसतर्फे सहभाग घेतला असून, पक्षाच्या विविध कार्यक्रमात ते हिरिरीने सामील होत होते.

येत्या पाच-सहा महिन्यावर जामनेर नगरपालिकेची निवडणूक होऊ घातली असून, पप्पू पाटील यांच्या प्रवेशाने भाजपला काहीअंशी का होईना, राजकीय बळ मिळणार असल्याचे समजते.