Jalgaon Crime News : वृद्धेचे गळ्यातील मंगळसूत्र लंपास

जळगाव : चंदूअण्णा नगरात पायी जाणाऱ्या वृद्धेच्या गळ्यातील मंगळसूत्र दोन भामट्यांनी ओरबाडले. विजया दिलीप पाटील (वय ६०, रा. साईविहार कॉलनी, चंदू अण्णानगर, निमखेडी शिवार, जळगाव) कुटुंबीयांसह वास्तव्याला आहेत.

गुरुवारी (ता. २७) सकाळी साडेदहाच्या सुमारास पाटील या पायी जात असताना त्यांच्या मागून अनोळखी दोन जण पल्सर गाडीवर येऊन त्यांच्या गळ्यातील ९० हजारांची साडेचार तोळ्याची मंगलपोत जबरीने तोडून घेऊन पसार झाले.(Mangalsutra lumps in old Women Neck Jalgaon Crime News)

या घटनेनंतर विजया पाटील यांनी जळगाव तालुका पोलिस ठाण्यात धाव घेऊन माहिती दिली.

त्यांच्या फिर्यादीवरून दोन जणांविरोधात तालुका पोलिस ठाण्यात गुन्हा दाखल झाला. पोलिस उपनिरीक्षक नयन पाटील तपास करीत आहे.