जळगाव : शहरातील आकाशवाणी चौकात किरकोळ वादातून आरपीएफ जवानाला वाहनधारकाने दगडाने मारहाण केल्याची घटना घडली. याप्रकरणी सायंकाळी रामानंदनगर पोलिस ठाण्यात वाहनचालकाविरोधात गुन्हा दाखल झाला आहे.
धरणगाव तालुक्यातील रहिवासी मनोज गिरधर मोरे (वय ३७) यांची जळगाव येथे आरपीएफ रेल्वे पोलिस म्हणून ड्युटी आहे. शुक्रवारी (ता. २८) सायंकाळी ७ वाजता नोकरीवरून घरी जाण्यासाठी आकाशवाणी चौकात वाहनाची वाट पाहत थांबले असताना त्याठिकाणी एक वाहनधारकाने धरणगाव येथे जात असल्याचे सांगितले. त्यानुसार संबंधित चारचाकी वाहनात बसले. त्यानंतर वाहनधारकाने अचानक ‘धरणगाव जात नाही’, असे सांगितले.
याबाबत वाहनधारकाला मनोज मोरे यांनी जाब विचारला, त्यावरुन वाद होउन दोघांत हमरीतुमरी झाली. वाहनधारकाने जवळील दगड उचलून मनोज मोरे यांच्या डोक्याला मारला यात ते बेशुद्ध झाले. त्यांना तातडीने खासगी रुग्णालयात उपचारार्थ दाखल करण्यात आले. याप्रकरणी जखमी मनोज मोरे यांच्या फिर्यादीवरून अज्ञात वाहनधारकाविरोधात गुन्हा दाखल झाला. पुढील तपास पोलिस नाईक प्रशांत पाठक करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
