कोरोना संसर्गाची तीव्रता कमी..पण मृत्यूच्या आकड्यांनी चिंता वाढवली

जळगाव : कोरोनाच्या (corona) दुसऱ्या लाटेची तीव्रता कमी होऊन (second wave Decreased) रुग्णसंख्या (patient control) नियंत्रणात येत असली तरी तरुणांचे मृत्यू (death numbers) चिंताजनक (Worrying) बनत आहेत. बुधवारी विशीतल्या दोघा तरुणांसह १२ जणांचा दिवसभरात बळी गेला. नवी रुग्णसंख्या साडेतीन महिन्यानंतर प्रथमच पाचशेच्या आत नोंदली गेली.

(jalgaon dictrict new corona patient control but death numbers worrying)

जळगाव जिल्ह्यात कोरोना संसर्गाची तीव्रता कमी होत आहे. महिनाभरात दररोज नव्याने बाधित होणाऱ्या रुग्णांचा आकडा तब्बल निम्म्याने कमी झाला आहे. बुधवारी प्राप्त अहवालानुसार गेल्या २४ तासांत ४९४ नवे रुग्ण आढळले. एकूण रुग्णसंख्या १ लाख ३६ हजार ७७९ झाली. तर ५१२ रुग्ण बरे होऊन घरी गेले. बरे होणाऱ्यांचा आकडा १ लाख २४ हजार ८५८ झाला असून हे प्रमाण ९१.२८ टक्क्यांवर पोचले आहे.

चाचण्या वाढल्या
जिल्ह्यात रुग्णांचा शोध घेण्यासाठी प्रशासनाने पुन्हा एकदा चाचण्या वाढविण्यावर भर दिला आहे. गेल्या आठवड्यात पाच हजारांच्या आत चाचण्या घटल्या होत्या. तर आता दोन दिवसांपासून ते प्रमाण वाढविले आहे. बुधवारी ७ हजार ६६७ चाचण्यांचे अहवाल प्राप्त झालेत.

तरुणांचा बळी चिंताजनक
एकीकडे रुग्णसंख्या नियंत्रणात येत असली तरी मृत्यूची चिंता कायम आहे. बुधवारी जळगाव शहरात तिघा महिलांसह एका परुषाचा मृत्यू झाला. तर भुसावळ तालुक्यातील १९ व रावेर तालुक्यातील २५ वर्षीय तरुणासह एकूण १२ जणांचा दिवसभरात बळी गेला. एकूण बळींचा आकडा २४५० वर पोचला आहे.

असे आढळले रुग्ण
जळगाव शहरात बुधवारी ४४ नवे रुग्ण आढळून आले तर त्यापेक्षा जवळपास तीनपट म्हणजे ११५ रुग्ण बरे झाले. अन्य ठिकाणचे रुग्ण असे : जळगाव ग्रामीण १७, भुसावळ ७८, अमळनेर १८, चोपडा ४९, पाचोरा ९, भडगाव १, धरणगाव २५, यावल ३३, एरंडोल २२, जामनेर ३४, रावेर ३१, पारोळा ७, चाळीसगाव ४७, मुक्ताईनगर ४०, बोदवड ३७.

(jalgaon dictrict new corona patient control but death numbers worrying)