Jalgaon Crime News : विवाहितेस बेदम मारहाण केल्याप्रकरणी पतीविरूद्ध गुन्हा

Jalgaon Crime News : तांबेपुरा भागातील एका विवाहितेचा छळ करून पतीने बेदम मारहाण केल्याची घटना शनिवारी (ता. ३) दुपारी घडली.

यात ती विवाहिता गंभीर जखमी झाली आहे. (Crime against husband for brutally beating wife jalgaon crime)

याप्रकरणी विाहितेने दिलेल्या फिर्यादीवरून पतीविरूद्ध येथील पोलिस ठाण्यात गुन्हा दाखल झाला आहे. महिला समुपदेशन केंद्र आणि महिला संरक्षण अधिकाऱ्यांच्या सतर्कतेने त्या महिलेचे प्राण वाचले.

महिलेले दिलेल्या फिर्यादीनुसार, तांबेपुरा भागातील हनुमान मंदिराजवळ अजय राजपूत हा पत्नी नेहा राजपूत हिच्यासह राहतो. मात्र, आई-वडिलांशी कौटुंबिक भांडणाच्या कलहामुळे दारू पिऊन नेहमीच पत्नीला मारहाण करतो. तसेच नेहाचे सासरे पंडित राजपूत व जेठ विजय राजपूत हे भांडण मिटविण्यासाठी येतात.

तेव्हाही अजय राजपूत हा पत्नीवर त्यांच्याविषयी संशय घेत मारहाण करतो. २ मेस रात्री अकराला अजय राजपूत हा दारू पिऊन घरी आला व मी आईकडे जशी हिस्सा वाटणी मागत आहे, तशी तू देखील माग, असे पत्नीला सांगू लागला.

हेही वाचा : Credit Card फसवणूक....काय घ्याल काळजी?

मात्र, पत्नीने यास नकार दिला. याचा त्यास राग आल्याने त्याने पत्नीला लाकडी दांडा, लाथा, बुक्क्यांनी जबर मारहाण केली. रात्रभर नेहा तशाच पडून होत्या.

३ मेस सकाळी दहाला अजय राजपूतने पत्नीला ‘तू माझ्या घरात राहू नको, असे म्हणत शिवीगाळ केली. या घटनेबाबत तिचे सासरे व तिच्या आईवडिलांनाही निरोप मिळाला.

त्यांची आई शोभाबाई राजपूत व भाऊ गोपाल राजपूत यांनी लागलीच महिला समुपदेशन केंद्र व महिला संरक्षण अधिकारी यांना कळविल्याने योगिता सुभाष चौधरी, रेणुका प्रसाद, ज्ञानेश्‍वरी चंद्रकांत पाटील हे नेहा यांच्या घरी गेले आणि खासगी वाहनाने आणत ग्रामीण रुग्णालयात उपचारासाठी दाखल केले. यावरून पत्नी नेहा हिने दिलेल्या जबाबानुसार, पती अजय पंडीत राजपूत यावर गुन्हा दाखल करण्यात आला आहे.