श्रावण सोमवार निमित्ताने महादेव मंदिरात भाविकांची गर्दी

कजगाव (जि. जळगाव) : येथील मनमाड कंपनी भाग व जुन्या हायस्कूलजवळील पुरातन महादेव मंदिरात सध्या श्रावणानिमित्त भक्तांची गर्दी पाहायला मिळत आहे.

मंदिरात सकाळपासून भाविकांनी दर्शनासाठी व शिवअभिषेकासाठी गर्दी दिसून येते. हे मंदिर श्रावण सोमवारसह संपूर्ण महिनाभर गजबजलेले असते. (Crowd of devotees in Mahadev temple on occasion of Shravan at kajgaon on Monday jalgaon Latest Marathi News)

कजगावसह परिसरातील अनेक भाविक मोठ्या आनंदाने येतात. या मंदिराचा इतिहास पहिला तर येथे कधीकाळी साधारण ४० ते ५० वर्षांपूर्वी लग्नसराईत दिवसाला अनेक विवाह व्हायचे. मात्र काळानुरूप येथील विवाह कमी होत गेले.

मात्र आजही येथे अनेक भाविक मोठ्या प्रमाणात येतात. श्रावण महिन्यात अनेक भाविक दर्शनासाठी येतात. मंदिराच्या परिसरात पुरातन पिंपळाचे व वडाचे झाड असून, या झाडांमुळे मंदिर परिसरात कुठल्या ऋतूत अत्यंत थंड, हवेशीर वातावरण अनुभवायला मिळते. तसेच दरवर्षी शेवटच्या श्रावण सोमवारी ग्रामस्थांच्या वतीने येथे महाप्रसादाचे आयोजन करण्यात येते.