क्रुझर धडकेत शेतकऱ्याचा जागीच मृत्यू

४६ वर्षीय शेतकऱ्यास लग्नाचे व्हऱ्हाड घेऊन निघालेल्या जीपने (क्रुझर) धडक दिली.
Death
Death esakal

पाचोरा (जि. जळगाव) : पहाण (ता. पाचोरा) येथील ४६ वर्षीय शेतकऱ्यास भडगाव रोडवरील हॉटेल भाग्यलक्ष्मी गार्डनजवळ लग्नाचे व्हऱ्हाड घेऊन निघालेल्या जीपने (क्रुझर) धडक दिली. या अपघातात शेतकऱ्याचा जागीच मृत्यू झाला. ही घटना शुक्रवारी (ता. १८) घडली. या प्रकरणी गुन्हा दाखल करण्यात आला आहे.

पहाण (ता. पाचोरा) येथील शेतकरी व पत्रकार संदीप महाजन यांच्या मावसभावाचा मुलगा प्रमोद पाटील (वय ४६) हे १८ जूनला सकाळी मोटारसायकलने चाळीसगाव येथे बैलजोडी बघण्यासाठी गेले होते. पाचोऱ्याकडे परत येत असताना हॉटेल भाग्यलक्ष्मी गार्डनसमोरील पेट्रोलपंपावर पेट्रोल भरून निघालेल्या व पाचोऱ्याकडून भडगावच्या दिशेने भरधाव जाणाऱ्या जीपने त्यांच्या मोटारसायकलला जोरदार धडक दिली. यात प्रमोद पाटील खाली पडून त्यांच्या डोक्याला जबर मार लागल्याने ते जागीच ठार झाले. प्रमोद पाटील यांना तत्काळ रुग्णवाहिका चालक बबलू मराठे यांनी पाचोरा ग्रामीण रुग्णालयात दाखल केले असता वैद्यकीय अधिकारी डॉ. अमित साळुंखे यांनी प्रमोद पाटील यांना मृत घोषित केले. त्यांचे तेथे शवविच्छेदन केले. घटनेप्रकरणी पाचोरा पोलिसात अज्ञात क्रूझरचालकाविरुद्ध गुन्हा दाखल करण्यात आला आहे. मृत प्रमोद पाटील यांच्या पाश्चात्य वृद्ध आई, वडील, पत्नी, एक भाऊ, एक मुलगी, एक मुलगा, दोन बहिणी असा परिवार आहे.

Death
वीज तारांनी घेतला तरुणाचा बळी; अभियंत्यासह वायरमन विरोधात गुन्हा
Death
फायनान्स कंपनीच्या छळाला कंटाळुन शेतकऱ्याच्या मुलाची आत्महत्या

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com