राष्ट्रवादीचे माजी आमदार दिलीप वाघ कोरोना पॉझिटिव्ह

पाचोरा :  पाचोरा -भडगाव विधानसभा मतदार संघाचे राष्ट्रवादी काँग्रेसचे माजी आमदार दिलीप वाघ यांचा कोरोना चाचणी अहवाल पॉझिटिव्ह आला आहे. याबाबत त्यांनी स्वतः समाज माध्यमातून माहिती दिली. संपर्कात आलेल्यांनी आपली कोरोना चाचणी करून घेण्याचे आवाहनही केले .मास्कचा वापर करावा, सुरक्षित अंतर ठेवावे, सॅनीटायझरचा वापर करावा, वेळोवेळी हात धुवावेत असेही आवाहन त्यांनी केले आहे.

आवश्य वाचा- बापरे ! बँकतील कर्मचाऱ्यांना झाला कोरोना; आणि शहरात उडाली एकच खळबळ
 

दरम्यान गेल्या 11 फेब्रुवारी रोजी राष्ट्रवादी काँग्रेसची परिवार संवाद यात्रा पाचोरा येथे आली होती. त्यात जलसंपदा मंत्री तथा प्रदेशाध्यक्ष जयंत पाटील, महिला आघाडीच्या रूपाली चाकणकर, माजी आमदार मनीष जैन ,आमदार डाॅ सतीश पाटील, संजय गरुड यांचेसह राष्ट्रवादी काँग्रेसचे वरिष्ठ पदाधिकारी व कार्यकर्त्यांमध्ये श्री. वाघ यांचाही सहभाग होता. गेल्या दोन दिवसांपासून त्यांना थोडा खोकला जाणवू लागल्याने तसेच जिल्ह्यातील राष्ट्रवादी काँग्रेसचे काही पदाधिकारी कोरोना बाधीत झाल्याने त्यांनी कोरोना चाचणी केली असता ती पॉझिटिव्ह आली आहे.

संपादन- भूषण श्रीखंडे