Jalgaon Crime News : 50 हजारांसाठी पत्नीचा छळ

Jalgaon Crime News : कानळदा (ता. जळगाव) येथील माहेरवाशीण विवाहितेला दुचाकी घेण्यासाठी पतीसह सासरच्या मंडळींकडून छळ होत असल्याचे समोर आले आहे.

मारझोड व त्रास असह्य झाल्याने पिडीतेने जळगाव तालुका पोलिस ठाण्यात तक्रार दिली. (Harassment of wife for 50 thousand jalgaon crime news)

पतीसह चौघांविरुद्ध गुन्हा दाखल करण्यात आला आहे. कानळदा येथील माहेर असलेल्या रत्नाबाई मुकेश कोळी (वय ३२) यांचा विवाह सुटकार(ता. चोपडा) येथील मुकेश कोळी यांच्याशी रितीरिवाजानुसार झाला.

लग्नानंतर सुरवातीला सासरच्यांनी चांगले वागवले मात्र, त्यानंतर विवाहितेला माहेराहून दुचाकी घेण्यासाठी ५० हजार रुपयांची मागणी केली. विवाहितेने पैसे आणले नाही. विवाहितेला शिवीगाळ करत “पैसे आणले नाही तर तू कशी नांदते आम्ही बघतोच” अशी धमकी देत मारहाण केली.

या प्रकरणी तालुका पोलिस ठाण्यात सासरच्या चार जणांविरुद्ध गुन्हा दाखल करण्यात आला आहे. कानळदा येथील माहेर असलेल्या रत्नाबाई यांचा विवाह चोपडा तालुक्यातील सुटकार येथील मुकेश कोळी यांच्याशी झाला.

लग्नानंतर १५ दिवसांनी विवाहितेकडे पैशाची मागणी करीत तिचा छळ केला जाऊ लागला. वारंवार शिवीगाळ करीत मारहाण होत असल्याने विवाहिता माहेरी निघून आली. या प्रकरणी विवाहितेने तालुका पोलिस ठाण्यात फिर्याद दिली.

त्यावरून पती मुकेश कोळी, सासरे दगा कोळी, सासू चंद्रभागा कोळी, मावस सासरे जगन सोनवणे यांच्याविरुद्ध गुन्हा दाखल करण्यात आला आहे. सहाय्यक फौजदार अविनाश कांबळे तपास करीत आहेत.