Jalgaon Crime News : अयोध्यानगरातून Innova Carची चोरी

Jalgaon News : असोदा (ता. जळगाव) येथील किरणा दुकानदाराने घेतलेली कार जळगाव शहरातील मामाच्या घराबाहेर उभी केली होती. चोरट्यांनी मध्यरात्रीनंतर ती कार चोरून नेली.

असोदा येथील रहिवासी पराग चंद्रकांत पाटील (वय ३०) यांचे असोदा ग्रामपंचायत कार्यालयाशेजारी किरणा दुकान आहे. त्यांनी नुकतीच कार घेतली होती. (Innova Car stolen from Ayodhya Nagar Jalgaon Crime News)

गावात गाडी लावायला जागा नसल्याने त्यांनी जळगाव शहरातील आयोध्यानगरात राहणाऱ्या मामाच्या घराबाहेर कार (एमएच १९, बीयू ०५००) पार्क करीत होते.

त्यांनी बुधवारी (ता. १४) कार आयोध्यानरातील त्यांचे मामा कृष्णा शिंदे यांच्या घरासमोर पार्किंगमध्ये उभी केली. रात्री एकनंतर चोरट्यांनी कार चोरून नेली.

याबाबत पराग पाटील यांनी दिलेल्या फिर्यादीवरून एमआयडीसी पोलिस ठाण्यात गुन्हा दाखल झाला आहे. सहाय्यक फौजदार अतुल वंजारी तपास करीत आहे.

हेही वाचा : Credit Card फसवणूक....काय घ्याल काळजी?