Jalgaon Water Shortage: जिल्ह्यातील धरणांत केवळ 24 टक्के साठा; जून संपला तरी 85 गावांत 112 टँकरद्वारे पाणीपुरवठा

Jalgaon Water Shortage : पावसाळ्याचा जून महिना संपला, तरी जिल्ह्यात अद्यापही मुसळधार पाऊस झालेला नाही. यामुळे नद्या, नाले अजूनही खळखळून वाहू लागलेले नाहीत. परिणामी, जिल्ह्यातील सिंचन प्रकल्पातील पाणीसाठ्यात वाढ झालेली नाही. जिल्ह्यात जूनअखेर केवळ १६४ मिलिमीटर पाऊस झाला आहे. (Jalgaon 24 percent storage in dams in district )

एका टँकरची घट

जिल्ह्यातील ९४ गावांमध्ये पाणीटंचाई होती. त्या गावांत ११३ टँकर सुरू होते. १६६ गावांत १८६ विहीर अधिग्रहण करण्यात आल्या आहेत. १६४ मिलिमीटर पाऊस जमिनीतील पाणीपातळी वाढण्यास पुरेसा नाही. जूनमध्ये केवळ १० दिवस, तोही मध्यम स्वरूपाचा पाऊस झाला. मात्र, अजूनही हवेतील दमटपणा गेलेला नाही.

अजूनही घरात कुलर, एसीची गरज भासतेच. झालेल्या पावसावर शेतकऱ्यांनी ५५ टक्के पेरण्या केल्या आहेत. सध्या जिल्ह्यात रोज काही मिनिटे जोरदार पाऊस होत आहे. शेतकऱ्यांनी पेरण्यांना वेग दिला आहे. येत्या १० जुलैपर्यंत पेरण्या पूर्ण होतील, असा अंदाज कृषी विभागाने वर्तविला आहे.

मागील वर्षापेक्षा ५ टक्के साठा कमी

मागील वर्षी (२०२३) जिल्ह्यातील सर्व धरणांत २८.१ टक्के जलसाठा होता. यंदा तो केवळ २४ टक्केच आहे. यामुळे अजून दमदार पाऊस होऊन नद्या, नाले वाहिले, तरच धरणातील पाणीसाठ्यात वाढ होणार आहे. (latest marathi news)

जिल्ह्यातील सिंचन प्रकल्पातील साठा असा

धरणाचे नाव--जलसाठा टक्के यंदाचा--मागील वर्षाचा जलसाठा

हतनूर--२५.०२--३८.४३

गिरणा--११.१९--२१.७८

वाघूर--५४.२०--५७.६३

मध्यमप्रकल्प

गुळ--४५.१९--६०.६४

अग्नावती--०--०

हिवरा--०--०

भोकरबारी--०--०

बोरी--०--०

अंजनी--०.२५--८.७०

मन्याड--०--६.०३

अभोरा--६१.३७--५३.०९

मंगरूळ--५२.१८--३९.९४

सुकी--८२.०८--५८.५५

मोर--६६.६०--६२.२४

बहुळा--३.७९--१६.१२

तोंडापूर--१७.३६--२४.०१

शेळगाव--३५.३४--०

एकूण--२४ टक्के--२८ टक्के