Jalgaonची केळी आता पोस्टाच्या पाकिटावरही!

जळगाव : जागतिक टपाल दिनाच्या औचित्याने गांधी रिसर्च फाउंडेशन व जळगाव टपाल विभाग यांच्यातर्फे ‘डाक टिकटों में महात्मा’ या आकर्षक प्रदर्शनाचे आयोजन करण्यात आले आहे. (jalgaon banana now on postal envelope Jalgaon Latest Marathi News)

गांधी उद्यानात मंगळवारी (ता. ११) सकाळी अकराला प्रदर्शनाचे उद्‌घाटन होईल. जळगाव जिल्ह्याची केळीच्या माध्यमातून संपूर्ण जगात ओळख निर्माण झाली आहे. जगातील केळी उत्पादनात एकट्या जळगाव जिल्ह्याचा ३ टक्के सिंहाचा वाटा आहे. केळीची महती सांगणाऱ्या पोस्टाच्या पाकिटाचे प्रकाशनसुद्धा या प्रदर्शनातच अशोक जैन व मान्यवरांच्या हस्ते करण्यात येत आहे. या कार्यक्रमास टपाल विभागाचे अधीक्षक बी. व्ही. चव्हाण, निसर्गराजा कृषी विज्ञान केंद्र, तांदलवाडीचे शशांक पाटील, जैन टिश्युकल्चरचे वरिष्ठ अधिकारी व प्रगतिशील शेतकरी यांची विशेष उपस्थिती असणार आहे.