Jalgaon News : ग्रामपंचायतींच्या तांत्रिक समस्या तत्काळ सोडवा : जिल्हाधिकारी प्रसाद

Jalgaon News : ग्रामपंचायतींच्या तांत्रिक समस्या सोडवण्यासाठी सर्व आवश्यक सहकार्य करणे आणि तांत्रिक मंजुरी आणि कामाच्या मोजमाप बुक नोंदीसाठी अभियंते दिले आहेत. अधिक जलद गतीने कामे व्हावीत यासाठी जिल्हाधिकारी यांच्याकडून सूचना देण्यात आल्या. राहिलेल्या कामाचे पुढील आठ दिवसात तांत्रिक बाबी पूर्ण करून काम सुरु करावेत.

आदेश देऊन कामे सुरू करण्याबाबत कार्यवाही करा. हे काम करताना कोणतेही नियमबाह्य काम होणार नाही हे कटाक्षानी पाळण्याचे आदेश जिल्हाधिकारी आयुष प्रसाद यांनी आज दिले. (Jalgaon Collector Prasad statement Solve technical problems of Gram Panchayats immediately)

जिल्ह्यातील ग्रामपंचायतीच्या विविध विकासकामासाठी मिळालेल्या १५ व्या वित्त आयोगाच्या अनुदानातून ग्रामपंचायतीकडून विकास कामासाठी झालेला खर्च याचा आढावा जिल्हाधिकारी प्रसाद, जिल्हा परिषदेचे मुख्य कार्यकारी अधिकारी अंकित यांनी घेतला.

त्यावेळी ते सूचना देत होते. शून्य खर्च असलेल्या ग्रामपंचायतीच्या अडचणी जाणून घेऊन तत्काळ तांत्रिक अडचणी सोडविण्याच्या सूचना यंत्रणेला देण्यात आल्या.

ग्रामपंचायतीची खरेदी करताना जेम प्रणालीचा वापर करावा तसेच सरपंच व ग्रामसेवक यांनी जेम वर नोंदणी करून घ्यावी असे सांगण्यात आले. (latest marathi news)