Police Bharati 2024 : पोलिस भरतीसाठी अर्जदारांना ‘गोल्डन चान्स’

जळगाव : पोलिस भरतीसाठी यापूर्वी ३१ मार्चपर्यंत अर्ज सादर करण्यासाठी Mahait यांच्या संकेतस्थळावर सुविधा उपलब्ध करुन देण्यात आली होती. परंतु, राज्य शासनाने नुकतेच मराठा आरक्षण विधेयक संमत केले आहे. त्यासाठी उमेदवारांना लागणारे एसईबीसी प्रमाणपत्र मिळण्यास विलंब होत असल्याने सर्व उमेदवारांना अर्ज सादर करण्याची अंतिम मुदत १५ एप्रिल २०२४ पर्यंत वाढविण्यात आली आहे. (Jalgaon Deadline for filling online application form for police recruitment extended till 15 april)

पोलिस भरतीसाठी अर्ज करणाऱ्या उमेदवारांना अंतिम दिनांकापूर्वी तांत्रिक अडचणींमुळे प्रमाणपत्र मिळण्यास विलंब होत असल्यास प्रमाणपत्र अर्जाच्या पोच पावतीसह अर्ज सादर करावा.

मात्र, कागदपत्र पडताळणीच्या वेळी विहित नमुन्यातील सर्व कागदपत्रे सोबत असणे आवश्यक आहे, अशी माहिती अपर पोलिस महासंचालक राजकुमार व्हटकर यांनी दिली आहे. (latest marathi news)

पोलिस शिपाई, पोलिस शिपाई-वाहन चालक, पोलिस शिपाई-एसआरपीएफ आणि कारागृह शिपाई या पदांसाठी बारावी उत्तीर्ण अर्ज करू शकतील.

पोलिस बॅन्डस्मन पदासाठी दहावी उत्तीर्ण उमेदवार अर्ज करू शकतील. एकूण सुमारे १७ हजार ३११ जागांसाठी सदरची पोलिस भरती होणार आहे.