Jalgaon News : महामार्गावर उठतात धुळीचे लोट; पहूरजवळ चौपदरीकरणाचे काम संथगतीने

पहूर : जळगाव - छत्रपती संभाजीनगर राष्ट्रीय महामार्गाचे चौपदरीकरणाचे काम गेल्या अनेक दिवसांपासून सुरू आहे. तसेच पाचोरा मार्गावरील रस्त्याचेही काम सुरू असल्याने सध्या महामार्गावर धुळीचेच साम्राज्य आहे. या धुळीचा पादचाऱ्यांसह स्थानिक रहिवाशांना नाहक त्रास सहन करावा लागत आहे. (Pachora Marg highway is currently covered in dust)

पहूरवरून जामनेर, शेंदुर्णी येथे हजारो विद्यार्थी शिक्षण घेण्याकरिता जात असतात. त्याचप्रमाणे पहूर हे एक मोठे बाजारपेठ आहे. दहा ते बारा खेडे गावाला लागून आहे.

सकाळपासून मोठ्या प्रमाणात लोकांची गर्दी असते व चौफुलीचे गाव असल्यामुळे मोठ्या प्रमाणात प्रवाश्यांची वर्दळ असते. अशातच पहूर येथे महामार्गावरील पुलाचे बांधकाम संथ गतीने सुरू आहे. (Latest Marathi News)

उन्हाळ्याचे दिवस कोरडा फफुटा प्रवासी, विद्यार्थी, गावकऱ्यांना मोठ्या प्रमाणात धुळीचा त्रास सहन करावा लागत आहे. त्यामुळे मोठ्या प्रमाणात अपघात होण्याची शक्यता नाकारत येत नाही.

मागील पंधरवड्यात मारुती एस क्रॉस ही कार नवीन पुलाच्या बांधकामाच्या ठिकाणी उलटली होती. या महामार्गाचे व पुलाचे काम गतीने व्हावे, अशी मागणी नागरिकांकडून होत आहे.