जळगाव : मेहरूण तलाव काठावरील फार्म हाऊसच्या भिंतीला लागून दारू पीत असलेल्या तरुणांना हटकल्याच्या कारणावरून दिनेश पाटील (वय ४४ रा. रामेश्वर कॉलनी) यांचा वाद होऊन हाणामारी झाली. त्यातूनच त्यांना दगडाने ठेचून खून केल्याची घटना घडल्याचे दिसून येत आहे.
दाखल गुन्ह्यात गुन्हे शाखेच्या पथकाने दुलेश्वर उर्फ आनंद सदाशिव माळी (वय २१, रा. तांबापूर) याच्यासह विधीसंघर्षीत बालकांना अटक केली आहे. गुन्हे शाखेने दिलेल्या माहितीनुसार, दिनेश पाटील शनिवारी (ता. ९ ) मेहरूण तलावाजवळील फार्म हाऊसजवळ असलेल्या एका नाल्याजवळ दुचाकी (एमएच १९ बीएक्स १४९७) ने आले आणि दारू पिण्यासाठी बसले.
त्याच ठिकाणी बाजूला दुलेश्वर उर्फ आनंद सदाशिव माळी (वय २१, रा. तांबापूर) आणि एक १५ वर्षीय अल्पवयीन मुलगा देखील दारू पीत बसले होते. त्यावर दिनेश पाटील यांनी ‘एवढ्या लहान वयात दारू पिताय तुम्ही उठा येथून’ असे हटकले.
याचा राग आल्याने दोघांनी त्यांना दगडाने ठेचून खून करून पसार झाले. एमआयडीसी पोलिस ठाण्यात गुन्हा दाखल करण्यात आला होता. दरम्यान, दोघांना न्यायालयात हजर केले असता २० एप्रिलपर्यंत पोलिस कोठडी देण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
