Jalgaon News : जितेशने बनविला अनोखा ‘रोबोट’; मानवी शरीर ‘फॉलो’ करणारे यंत्र

Jalgaon News : शहरातील विवेकानंद प्रतिष्ठानमधील विद्यार्थी जितेश मांडे याने मानवी शरीर ‘फॉलो’ करणारा रोबोट बनविला असून, हा अनोखा रोबोट सर्वांच्या आकर्षणाचे केंद्र बनला आहे. (Jitesh Mande made robot that follows human body Jalgaon News)

जितेश इयत्ता नववीचा विद्यार्थी असून, त्याला लहानपणापासून नेहमीच इलेक्ट्रॉनिक वस्तू बनविण्याचे आकर्षण होते.

या वर्षी त्याला टेक्निकल हा विषय असल्याने अशा गोष्टींसाठी योग्य दिशाही शाळेतून मिळत असते. हा रोबोट त्याने घरीच असेंबल केला आहे.

हेही वाचा : Credit Card फसवणूक....काय घ्याल काळजी?

अशी आहे रचना

रोबोटच्या वरच्या बाजूला एक डिव्हाइसची रचना जितेशने केली आहे. विशेष म्हणजे त्या डिव्हाइसच्या आजूबाजूला हलणाऱ्या गोष्टी आहेत. मानवी शरीर आहे. त्याच्या मागे-मागे हा रोबोट जातो.

जितेशने रोबोटला आणखी आकर्षक बनविण्यासाठी एलईडी लाईटचा वापर केला आहे. त्यामुळे हा रोबोट अधिक आकर्षक व अनोखा दिसतो. या संपूर्ण रोबोटची रचना जितेशने एकट्याने घरी केली आहे.