जळगाव : पिंप्राळा स्मशाभूमीजवळ गुरुवारी (ता. ३०) काँक्रिट मिक्सर वाहनाच्या मागील चाकाखाली आल्याने मजूराचा दबून मृत्यू झाला. अरुण वसंत बाविस्कर (वय ४४, रा. कांचननगर) असे मृताचे नाव आहे. (Laborer crushed by concrete mixer operator jalgaon crime news)
पिंप्राळा स्मशानभूमीजवळ रस्त्याचे काँक्रिटीकरण सुरू आहे. तेथे अरुण बाविस्कर काम करीत होते. गुरुवारी सकाळी दहाला काँक्रिट मिक्सर वाहन (एमएच १९, डीयू ४६६१)चालक संजय राठोड (रा. रामदेववाडी, जळगाव) वाहन मागे घेत असताना, अरुण बाविस्कर मागील चाकाखाली चिरडले गेले.
घटनेनंतर चालक वाहन सोडून पसार झाला. घटनेचे वृत्त कळताच पोलिस उपनिरीक्षक शांताराम पाटील, रेवानंद साळुंखे, विजय खैरे, विजय जाधव यांनी घटनास्थळी पोचले. कामगारांच्या मदतीने मृतदेह जिल्हा शासकीय महाविद्यालयात दाखल केला.
हेही वाचा : जीएसटीसाठी नोंदणी केलीच नाही तर??
याबाबत रामानंदनगर पोलिस ठाण्यात चालक संजय राठोड याच्याविरोधात गुन्हा दाखल झाला आहे. मृताच्या पश्चात पत्नी सविता, तीन विवाहित मुली आणि सात वर्षाचा मुलगा शैलैश असा परिवार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.