Latest Marathi News | चोर पकडायला गेलेल्या पोलिसालाच मारहाण

संशयित तरुणाची चौकशी केल्यावर शिवीगाळ करत पोलिसाला केली दमदाटी
Beating-to-police
Beating-to-policeesakal

जळगाव : बसस्थानकातून पाकीट चोरी करणाऱ्या संशयिताला पकडण्यासाठी गेलेल्या पोलिस कर्मचाऱ्यालाच महिलेसह एका जणाने मारहाण केल्याची घटना मंगळवारी (ता. १२) संध्याकाळी घडली. यात पोलिस कर्मचारी जखमी झाला असून दोन जणांविरुद्ध जिल्हापेठ पोलिसात गुन्हा दाखल झाला आहे. (Latest Marathi News)

Beating-to-police
Jalgaon : सोनगावात दीड लाखाच्या पशुधनाची चोरी

प्रवाशांच्या पाकीटावर मारत होते डल्ला
सिल्लोड (ता. औरंगाबाद) येथील डॉ. राहुल सांडू अग्रवाल (वय २८) हे दुपारच्या सुमारास बसस्थानकात असताना त्यांचे पाकीट चोरल्याची घटना घडली. त्यांनी जिल्हापेठ पोलिसांत तक्रार केल्यावर पोलिस पथकातील जुबेर सिराज तडवी व अमित मराठे यांनी तत्काळ बसस्थानक गाठले. यावेळी एक अनोळखी तरुण व महिला गर्दीचा गैरफायदा घेत प्रवाशांचे पाकीट लांबवित असल्याचे डॉ. अग्रवाल यांनी पोलिसांच्या निदर्शनास आणून दिले. त्यानुसार पोलिस कर्मचारी तडवी यांनी त्या संशयित तरुणाची चौकशी केल्यावर त्याने तडवी यांना शिवीगाळ करून दमदाटी करीत त्याच्या महिला साथीदाराने तडवी यांच्या अंगावर धावून येत झटापट केल्याने तडवी यांचा सदरा फाटला. पोलिस कर्मचारी तडवी यांनी घटनेची माहिती तत्काळ पोलिस उपनिरीक्षक गणेश देशमुख यांना दिली. त्यांनी महिला पोलिस भारती देशमुख व प्रतिभा पाटील यांना सोबत घेत घटनास्थळी दाखल झाले. संबंधित महिला व तो व्यक्ती जुबेर यांना मारहाण करीत होता.

Beating-to-police
स्पर्धा परीक्षा मार्गदर्शनासाठी सावित्रीबाई फुले अकादमी महापालिका आयुक्त राजेश पाटील यांची माहिती

महिलेसह संशयिताला अटक
मारहाण करणाऱ्यांकडून पोलिसांनी तडवी यांची सुटका केली. त्यानंतर त्या महिलेसह तरुणाला ताब्यात घेत पोलिस ठाण्यात आणण्यात आले. चौकशी केल्यावर त्यांनी गणेश चंद्रकांत आठवले (वय ३२, रा. शिवाजीनगर) व सरला पितांबर ठाकूर (वय २१, रा. विजयनगर, नाशिक) असे नाव सांगितले. त्यांनी डॉ. अग्रवाल यांच्या खिशातून पाकीट चोरल्याचा त्यांच्यावर आरोप असून त्यात ४ हजार ५०० रुपये चोरी झाले आहे. याप्रकरणी तडवी यांच्या फिर्यादीवरून जिल्हापेठ पोलिसात गुन्हा दाखल करण्यात आला आहे.

Beating-to-police
फुले मार्केट अतिक्रमणावर तोडगा काढणार : महापालिका आयुक्त विद्या गायकवाड

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com