जळगाव : सप्टेंबरपासून कोरोना संसर्गाचा खाली येणारा आलेख जानेवारीत काही प्रमाणात वाढल्याचे दिसत असले तरी बरे होणाऱ्यांचे प्रमाणही वाढत आहे. जिल्ह्यात कोरोनामुक्त झालेल्यांचा आकडा ५५ हजार पार गेला आहे. रविवारी ३३ नवे बाधित आढळले, तर ५२ रुग्ण बरे झाले.
जळगाव जिल्ह्यात कोरोनाचा संसर्ग जुलै, ऑगस्टच्या तुलनेत सप्टेंबरनंतर कमी होऊ लागला आहे. पूर्ण नियंत्रणात नसला तरी संसर्गाचे प्रमाण घटले आहे. तसेच बरे होणाऱ्यांचे प्रमाणही वाढत आहे. रविवारी प्राप्त १६०० चाचणी अहवालांमध्ये नवे ३३ बाधित आढळून आले, त्यामुळे एकूण रुग्णांची संख्या ५६ हजार ८४६ झाली आहे. तर ५२ रुग्ण बरे झाल्यानंतर बरे होणाऱ्यांचा आकडाही ५५ हजार ६३वर पोचला आहे. रविवारी एकाही मृत्युची नोंद नाही, ही दिलासादायक बाब ठरली.
असे आढळले रुग्ण
रविवारी जळगाव शहरात ८, भुसावळला ७, पारोळ्याला ७, चाळीसगाव ४, भडगाव २, अमळनेर, चोपडा तालुक्यात प्रत्येकी १ रुग्ण आढळला.
धुळे जिल्ह्यात नवे नऊ कोरोनाबाधित
धुळे : जिल्ह्यात शनिवारी दिवसभरात नऊ कोरोनाबाधित रुग्ण आढळले. त्यामुळे एकुण रुग्णसंख्या १४ हजार ७७२ झाली. धुळे शहरात गोपाळनगर, पवननगर, गणेशनगर, जीटीपी स्टॉप, कैलासनगर, श्रीकृष्ण मंदिराजवळ, सुदर्शन कॉलनी, न्हावी कॉलनी, तसेच तरवाडे (ता. धुळे), शिरपूर क्षेत्रात वारूळ, कोडीद आणि साक्री येथे कोरोनाबाधित रुग्ण आढळले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
