अमळनेर : काकासमोर बापालाच खोटं सिद्ध केल्याचा राग आल्याने बापानेच मुलाच्या पाठीवर, डोक्यावर विळ्याने (Father Attacked) वार करून गंभीर जखमी केले. ही घटना रविवारी सायंकाळी साडेसहाच्या सुमारास सानेनगर भागात घडली.
सानेनगरमधील प्रकाश पाटील यांनी त्यांचा भाऊ शिवाजी पाटील यांना फोन करून आई आजारी आहे. तू लवकर ये, म्हणून फोन केला. शिवाजी पाटील यांनी खरंच आईची तब्बेत बिघडली आहे का? हे पडताळण्यासाठी पुतण्या रोहित पाटील याला विचारले असता, रोहितने त्याचे वडील खोटे बोलत असून, आजीची तब्येत चांगली आहे, म्हणून काकांचे आजीशी बोलणे करून दिले. वडिलांचे खोटे बोलणे उघडकीस आल्याने त्यांना राग आला. त्यांनी रोहित पाणी भरत असताना, अचानक त्याच्या पाठीवर विळ्याने वार केला. तो त्याच्या कानाजवळ लागला आणि तो खाली पडू लागताच प्रकाश पाटील याने पुन्हा मारण्यासाठी धावले.
आई, बहीण यांनी भांडण आवरले आणि रोहितच्या चुलत भावाने त्याला धुळे येथे खासगी हॉस्पिटलमध्ये दाखल केले. रोहितने दवाखान्यातूनच जबाब दिल्याने प्रकाश पाटील यांच्याविरुद्ध गुन्हा दाखल झाला असून, एएसआय रामकृष्ण कुमावत तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
