वावडे (ता. अमळनेर) : परतीच्या पावसाने झोडपल्याने हातातोंडाशी आलेले कपाशीचे पीक पूर्णपणे वाया गेले तर आता मोठ्या प्रमाणात कपाशीवर बोंडअळीचा प्रादुर्भाव झाल्याने कापूस पीकदेखील उद्ध्वस्त होत आहे. अमळनेर तालुक्यातील शेतकरी बोंडअळीमुळे मोठ्या आर्थिक कोंडीत सापडल्याचे चित्र असून, पुरता खचून गेला आहे.
कपाशीवर बोंडअळीचा प्रादुर्भाव वाढत असून, यामुळे बहुतांश शेतकऱ्यांची पिके वाया गेली आहेत. पीक व्यवस्थापनाविषयी अपुरे ज्ञान व त्यात कृषी विभागाची शेतकऱ्यांप्रति उदासीनता कारणीभूत असल्याचे बोलले जात आहे. शिवाय, बोगस बीटी बियाण्यांची चर्चा होत आहे. कपाशीचे पीकही हातचे गेल्याने शेतकरी हवालदिल झाला आहे, त्यांची दिवाळी अंधारातच जाणार असे सध्यातरी दिसत आहे.
कृषी विभागाकडून मार्गदर्शन
बोंडअळीची समस्या निर्माण होऊन चिंताजनक परिस्थिती आली असताना प्रादुर्भाव रोखण्यासाठी कृषी विभागाकडून मार्गदर्शनपर शिबिरे राबविली जात आहेत. नुकसान होत असलेल्या क्षेत्राची पाहणी वेळीच करावी, असे शासनाचे निर्देश आहेत.
वाचा- ‘तापी मेगा रिचार्ज स्कीम’ला मोठ्या निधीची गरज !
साडेचार एकर शेतात कपाशीची लागवड केली होती; परंतु कापूस वेचणीच्या वेळी परतीचा पाऊस आल्याने बोंडे सडली आहेत. आता बोंडअळी लागून संपूर्ण बोंडाला कीड लागली. गेल्या वर्षी आतापर्यंत ५५ क्विंटल कापूस घरी आला होता. या वर्षी मात्र दहा क्विंटल कापूस निघाला. बोंडअळीमुळे पऱ्हाटी काढून घेण्याची वेळ आली आहे.
-विश्वास पाटील, शेतकरी, वावडे
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
