भडगाव : भारतीय सैन्यदलातील (Indian Army) जवान नीलेश रामभाऊ सोनवणे (वय ३०) हे लेह-लडाखमध्ये (Leh-Ladakh) कर्तव्यावर असताना हुतात्मा (Martyr) झाले. येथील टोणगाव भागातील मूळ रहिवासी असून, या घटनेमुळे भडगाव शहरासह तालुक्यावर शोककळा पसरली आहे. दरम्यान, जवानाचे पार्थिव सोमवारी (ता.१२) भडगावात येण्याची शक्यता आहे. (bhadgaon indian army soldier martyr leh ladakh)
शहरातील टोणगाव भागातील नीलेश सोनवणे हे भारतीय सैन्यात महार रेजिमेंटमध्ये कार्यरत होते. नीलेश सोनवणे यांना शनिवारी (ता. १०) काश्मिरमधील लेह-लडाख येथे सेवा बजावत असताना वीरगती प्राप्त झाली. मिळालेल्या माहितीनुसार सकाळी सेवेवर असताना जवान नीलेश सोनवणे यांना अचानक अस्वस्थ वाटू लागले. त्यांना तत्काळ रुग्णालयात दाखल करण्यात आले. मात्र, त्यांचे निधन झाल्याची प्राथमिक माहिती समोर आली आहे. परंतु याबाबत अधिकृतरित्या दुजोरा मिळू शकला नाही. जवानाचे पार्थिव लेह येथून विमानाने दिल्ली येथे आणले जाणार आहे. तेथून नाशिक किंवा औरंगाबाद येथे आणले जाणार आहे. त्यामुळे सोमवारी सकाळपर्यंत पार्थिव भडगावला पोचेल. त्यानंतर अंत्यसंस्कार होण्याची शक्यता आहे. नीलेश सोनवणे २०१० पासून भारतीय सैन्यात कार्यरत होते. जवान हुतात्मा झाल्याची बातमी शहरात पसरताच सर्वत्र शोककळा पसरली. त्यांच्या पश्चात आई व पाच भाऊ असा परिवार आहे. त्यांचे दोन भाऊ पोलिस सेवेत कार्यरत आहेत.
एकनाथ शिंदेंकडून सांत्वन
जवान हुतात्मा झाल्याच्या माहिती मिळताच जिल्ह्याच्या दौऱ्यावर असलेले नगरविकास मंत्री एकनाथ शिंदे यांच्यासह पालकमंत्री गुलाबराव पाटील, आमदार किशोर पाटील यांनी सोनवणे कुटुंबीयांची भेट घेऊन सांत्वन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
