गोळीबाराने जळगाव पुन्हा हादरले..कांचननगर परिसरात घडली घटना

जळगाव : जळगाव जिल्ह्यात तसेच शहरात गेल्या दोन-तीन महिन्यापासून गोळीबाराच्या घटनांमध्ये वाढ झाली आहे. आज पुन्हा जळगाव शहरातील कांचनगर परिसरात सकाळी आठच्या सुमारास गोळीबार (Firing) झाल्याची घटना घडली आहे. त्यामुळे जळगाव शहरासह कांचनगर परिसरात खळबळ उडाली आहे.

गेल्या दोन दिवसापूर्वी भुसावळ येथील खुनाच्या घटनेतील संशयीताची जामिनावर सुटका झाल्यावर भुसावळ कडे जातांना नशिराबाद जवळ दोन जणांनी गोळीबार व शस्त्रांनी वार करून खून केल्याची घटना ताजी होती. त्यातच आज सकाळी कांचननगर येथे गोळीबार झाल्याची घटना घडली आहे. त्यामुळे जळगाव शहरातील वाढत्या गुन्हेगारीमूळे जळगावकरांची चिंता वाढेली आहे. या घटनेत कोण जखमी झाले, कोणामध्ये वाद झाला हे अद्याप समजू शकलेले नाही.

गोळीबाराच्या घटनेने खळबळ

जळगाव शहरात पंधरा दिवसापूर्वी दोन खून, कांचनगर परिसरातून कांचनगर परिसरातून अट्टल गुन्हेगाराला पिस्तुलसह अटक अशा घटना घडल्या. त्यात कांचनगर परिसरात टोळक्यांचे वाद देखील नेहमी होत असून त्यातूनच आजची घटना घडली असल्याची शंका वर्तवली जात आहे. पंरतू वारंवार होणाऱ्या या घटनांमूळे जळगाव शहरात मात्र खळबळ उडत आहे.